Президентке суроосун бере албай калган аялдын ыйлаган видеосу тарады 

Президент Садыр Жапаровдун Чүй облусунун тургундары менен жолугушуусунда көйгөйүн айта албай калган 9 баланын энеси видеокайрылуу жасады. Видео социалдык тармактарга тарады.

Аялдын айтымында, ал президентке өз көйгөйүн айтууну көздөгөн. Бирок айыл өкмөтү жана социалдык коргоо кызматкерлеринин аракетинен улам суроосун жеткире албай калганын билдирген.

"Урматтуу президент, сизге менин суроом жетпей калды. Сураныч, мени өзүңүз кабыл алып коюңузчу. Мен социалдык коргоо кызматына да, айыл өкмөткө да ишенбей калдым. Мен 9 баланын энесимин. Сураныч, жардам бериңизчи. Кыйналып кеттим", — деп кайрылуу жасап, көзүнө жаш алды.

Эскертүү: видеодогу аялдын аты-жөнү жана кайрылуусунун так кайсы жолугушуудан кийин жасалганы азырынча белгисиз.