Ысык-Көлдө төрт курулуш объектисинен мыйзам бузуу аныкталды
Ысык-Көл облусунда жүргүзүлгөн рейддин жыйынтыгында төрт курулуш объектисинде мыйзам бузуулар аныкталды. Бул тууралуу бүгун, 16-ноябрда Курулуш министрлигинен билдиришти.
Маалыматка ылайык, рейд курулуш тармагындагы мыйзамдуулукту камсыз кылуу жана обьектилерде белгиленген талаптардын сакталышын көзөмөлдөө максатында, курулуш министри Нурдан Орунтаевдин тапшырмасына ылайык жүргүзүлдү.
"Текшерүү Сары-Ой, Чок-Тал жана Бостери айылдарындагы "Терма", "Маракеш Резиденс", "Даймонд Резорт" жана "Имарат Резорт" объектилеринде жүргүзүлдү. Жыйынтыгында төрт компанияга жалпы 1 миллион сом айып пул салынды. Ал эми, "Даймонд Резорт" жана "Маракеш Резиденс" эс алуу борборлорундагы курулуш иштери токтотулду. Ошондой эле аталган компаниялардын курулуш лицензиялары жокко чыгарылды", - деп маалымдады мекеме.
0

Супер-Инфо
super.kg видео















