super.kg logo

Ысык-Көлдө кардын калыңдыгы 40 сантиметрге жетти. Жолдордо абал кандай? (видео)

 

Бүгүн, 17-ноябрда, Ысык-Көл облусундагы Түп – Кеген эл аралык унаа жолу жана Каркыра – Турук – Сары-Жаз унаа жолу толугу менен ачык. Учурда эки багытта тең унаалардын каттамы үзгүлтүксүз камсыздалууда.

Транспорт жана коммуникациялар министрлигинин маалыматына ылайык, №4 жол тейлөө мекемесинин кызматкерлери жолдорду кеңейтүү, кардан тазалоо жана инерттик материалдарды себүү иштерин жүргүзүп жатышат. Ошондой эле жолдун коопсуздугун камсыздоо үчүн атайын техникалар тартылган.

Белгилей кетсек, 15-ноябрда Ысык-Көл облусунда тынымсыз кар жаап, айрым жол тилкелеринде кардын калыңдыгы 40 сантиметрге чейин жеткен.

Тактап айтканда, Түп – Кеген эл аралык унаа жолунун 33-76-чакырымдарында кардын калыңдыгы 30-40 сантиметрди түзгөн. Каркыра – Турук – Сары-Жаз жайлоосуна кеткен жолдун 16-чакырымында 40 сантиметрге, ал эми Түптөн Каркыра айылына чейинки жолдо 10-20 сантиметрге жеткен.

"Жол тейлөө кызматкерлери кар жааган күндөн тартып жолдорду тазалоо үчүн күнү-түнү иштеп, учурда каттамдын үзгүлтүксүз жүрүшүн камсыздашты", – деп айтылат маалыматта.






Ысык-Көлдө кардын калыңдыгы 40 сантиметрге жетти. Жолдордо абал кандай? (видео)

 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2026 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: