Чүйдө эки өспүрүмдү мылтык менен аткан 24 жаштагы жаран кармалды
Чүйдө эки өспүрүмдү пневматикалык курал менен жарадар кылган жаран кармалды. Бул тууралуу бүгүн, 18-ноябрда облустук милиция билдирди.
Айта кетсек, буга чейин 2013-жылы туулган Т.Р. жана 2015-жылы туулган А.А. аттуу өспүрүмдөр ок жеп 17-ноябрда Чүй райондук ооруканасына түшкөнү белгилүү болду.
Аталган факт Чүй РИИБине катталып, окуянын жагдайларын аныктоо боюнча ыкчам-тергөө иш-чаралары жүргүзүлдү. Натыйжада 2002-жылы туулган Т. У. аттуу жаран аныкталып, кармалды. Ал өз ыктыяры менен 4,5 милиметр калибрдеги Hatsan AirTact үлгүсүндөгү пневматикалык мылтыкты милиция кызматкерлерине өткөрүп берди.
Алдын ала маалымат боюнча, ал каргашалуу окуя күнү саат 18:30 чамасында пневматикалык мылтык менен көчөгө чыгып, жолдон өтүп бара жаткан адамдарды аткандыгын мойнуна алды.
Шектүү убактылуу кармоочу жайына киргизилди. Тергөөгө чейинки текшерүү иштери жүргүзүлүүдө.
0

Супер-Инфо
super.kg видео















