Ак шоола жанган көзүңдү сүйдүм,
Асели тамган сөзүңдү сүйдүм.
Сен десем, жаным, карлыгач болуп,
Серпилип учуп өзүңдү сүйдүм.

Ээй, көзүңдү сүйдүм, сөзүңдү сүйдүм,
Карлыгач болуп өзүңдү сүйдүм.
Ак шоола жанган көзүңдү сүйдүм,
Асели тамган сөзүңдү сүйдүм.

Кагылган канат кашыңды сүйдүм,
Агылган булак чачыңды сүйдүм.
Көңүлдү көккө көтөрүп учкан,
Көктөмдөй лаззат атыңды сүйдүм.

Ээй, кашыңды сүйдүм, чачыңды сүйдүм,
Көктөмдөй лаззат атыңды сүйдүм.
Кагылган канат кашыңды сүйдүм,
Агылган булак чачыңды сүйдүм.

Жүзүмдөй жүзүң бир көрүп сүйдүм,
Жүрөктө кызыл гүл өңүң сүйдүм.
Өлүмдү жерден алыска айдап,
Өзүңдү келет түбөлүк сүйгүм.

Ээй, бир көрүп сүйдүм, гүл өңүң сүйдүм,
Өзүңдү келет түбөлүк сүйгүм.
Жүзүмдөй жүзүң бир көрүп сүйдүм,
Жүрөктө кызыл гүл өңүң сүйдүм.

Айдын, көлдүн ак куусундай түшкө киргенсиң,
Жан дүйнөмдүн жалгыз сырын өзүң билгенсиң.
Обон сымал жүрөккө жаңырып,
Тумар болуп таңда тагылып,
Бир өзүңдү самап, бир өзүңдү самап мен сүйгөнмүн.

Кайырма:
Таңдагы берметим,
Кол сунуп жетпедим,
Ак куу белең, айперим?

Көлдүн жээгин бойлоп өзүм сага келемин,
Толкундардан издеп улам сүйүү дарегин.
Чолпон болуп жүрөккө жагылып,
Ак куу консо көлгө кайрылып,
Көз жашыма толот, көз жашыма толот карегим.

Кайырма:

Тунук сүйүү, өмүрдө сен ак куу белемсиң?
Издеп жүргөн ай-ааламдан ыйык түнөгүм.
Арман күчөп өмүргө камыгып,
Сени күтүп таңда зарыгып
Бир өзүңдү эңсеп, бир өзүңдү эңсеп жүрөгүм.

Жигиттер далай чуркаган мен озуп келгем,
Учуруп турган шамалга төш тосуп келгем.
Көкөлөп учкан асманда сезимдерге,
Имерип бардык эркимди мен кошуп бергем.

Талашып үзүп тоо гүлдөрүн терип келгем,
Жарышып жүрүп каалаганын алып бергем.
Жазылып бүтпөс маңдайга жалгызымсың деп,
Дал ушундай болуп кетерин сезип келгем.

Кайырма:
Оюн-күлкү Шарапат дос каякта, эки көзү таякта,
Кеч кирсе эле чыкпай калдың үйүңдөн.
Аяшыңар саяк да, уруусу анын саяк да,
Саячка, саячка, саячка,
Саячка, саячка, менин, эй, саячкам.

Оролуп турган ойлордон мен ашып кетем,
Оболоп учуп түшүмдөн мен качып кетем.
Ойгонуп калсам чекеңден терди сүрүп, эй,
Кайрылып кайра топ дайрадай ташып кетем.

Азгырып турса алыстарга кезип кетем,
Кыялдап турсам кыялдар менен безип кетем.
Акыры келип акылга көздөрүм ачып
Бактым сенде байланганын сезип кетем

Оюн-күлкү Шарапат дос каякта, эки көзү таякта,
Кеч кирсе эле чыкпай калдың үйүңдөн.
Аяшыңар саяк да, уруусу анын саяк да,
Саячка, саячка, саячка,
Саячка, саячка, менин, эй, саячкам.

Он сегиз курак бактымбы?
Ошондон жыргал таптымбы?
Ойнотуп, ойнотуп күлүк ат минип,
Жыйрмадан отузду карай чаптымбы?

Өмүрдөн, жашоодон издеп бактымды,
Көңүлдөн, сүйүүдөн аны таптымбы?

Кыйналып издеп бактымды,
Кырк жашты карай чаптымбы?
Он сегиз, жыйырманын ичи жаш эле,
Ыраактап өзүм качтымбы?
Өмүрдөн, жашоодон издеп бактымды,
Көңүлдөн, сүйүүдөн аны таптымбы?

Эчен жыл издеп бактымды,
Элүүгө карай чаптымбы?
Улгаюу деген ойдо жок,
Убакыт неге шаштырды?
Өмүрдөн, жашоодон издеп бактымды,
Көңүлдөн, сүйүүдөн аны таптымбы?

Шыбырады жазгы жамгыр,
Кулак үндү сайтүрсө.
Жамгыр ыры наздуу эңби?
Укпайттырсың, балким, сен.
Бул күндөрдү түбү келип,
Сагынарсың көксөөдө.
Келчи, келчи, жүгүрөлү,
Жылаңайлак көчөдө.
Оо-ой, жылаңайлак көчөдө.

Баш чайкайсың өткөн өттү,
Өзүңдү өзүң кордодуң.
Мында биздин көк желектүү,
Алтын түндөр калды, оо, бир.
Кол кармашып бетиңди бур,
Оногу кырга жетели.
Аз окулуп шекилдиби,
Азыр салып өтөлү.

Оо-ой, ии-йййии ии-ййй,
Азыр салып өтөлү.

Нурдуу сырга толсун төлгө,
Ак сезимге өбүшкөн.
Лай лай шол күндөрдө,
Тай кулундай тебишкен.
Азгырабы делебемди,
Бийлеп жаштык канымда.
Бир серпилип керек эми,
Ушул күндөр барында.

Ооо-ой, ийии-ий,
Кирели биз жалындап.

Экөөбүз бирге жүргөн күндү самап,
Ыр жаздым сага гана сабын арнап.
Бир кезде бирге ойноп жүрдүк эле,
Кай жакка кетип калдың мени таштап?

Алдаба, жаным, мени, жаным, мени,
Ак сүйүү анда эмес, жаным, деги.
Алдайсың жаш баладай эркелетип,
Алдаба, жаным, мени, алдаба, жаным, мени.

Күткөнмүн сенин жолуң, жолуң карап,
Күтөмүн сени бүгүн, күтүп- самап.
Эми мен башка кызды сүйгөнүмдө,
Кечир деп жалдырадың мени карап.

Кечирбейм, кечире албайм, кош бол эми,
Бир кезде сүйгөн элем, сени, сени.
Муңайтып таштап коюп эми келдиң,
Алдаба, жаным, мени, алдаба, жаным, мени.

Кучагымда сүйгөн аппак таңдай,
Жүргөндүр жүрөгүнө сырын катпай.
Балким, ал ак куу болуп көлдө сүзөр,
Адашып айлуу түндө мени таппай.

Жок, эми башка кызга сүйүүмдү арнайм,
Жалынып мен артыңдан сага барбайм.
Турганда сенден бөлөк сулуу кыздар,
Туруксуз ак сүйүүңө чыдай албайм.

Алдаба, жаным, мени, жаным, мени,
Ак сүйүү анда эмес, жаным, деги.
Алдайсың жаш баладай эркелетип,
Алдаба, жаным, мени, кечирбейм, кош бол эми.

Булакта булбулдун тили бар,
Булакта кыздардын дили бар.
Ар качан агымы күү черткен,
Апакай булуттай сүйүү бар.

Кайырма:
Өмүргө шериктеш булагым,
Өзүңдө балалык курагым.
Ыр тыңшап жаныңа мен келип,
Мына эми кете албай турамын.

Булакта сагыныч-бугу бар,
Булакта күлкүнүн туну бар.
Булакта жүз чайып суу алган,
Буралган кара көз сулуулар.

Кайырма:

Булакта түгөнгүс кайрык бар,
Булакта шашылбас жайык бар.
Булакта пейили кең жигиттей,
Берешен, орошон марттык бар.

Кайырма: