Атат таңдарым, өзүңдү күтүп жүрөгүмө куса толуп
Ким менен кайда, жүрөсүң айтчы таштап мени арманга
Өчпөгөн үмүт, үлбүрөп күйүп үзүлгөнү турат жаным
Сагындым сени, сагындым жаным
Келчи кайда болсоң дагы

Махабатым сен,
Жүрөгүмдөн өчпөгөн
Махабатым сен,
Жүрөгүмдөн унутулбас

Кабарың айтчы, сага барайын болсоң да кол жеткис жайда
Сагындым жаным, сен дагы мени сагындыңбы асылым
Көктөн элесиң, көрүнөт мага жылдыздардан шуру тагып
Кол сунуп жетпей же унутуп кетпей эзилемин, эзилемин

Махабатым сен,
Жүрөгүмдөн өчпөгөн
Махабатым сен,
Жүрөгүмдөн унутулбас

Кадимки айыл чети, үйлөтүп отту күйгүзүп,
Билбести билгиздиңер, үйрөтүп атты мингизип.
"Кылганың биз үчүн болсо, үйрөнгүн өзүң үчүн" деп,
Атакем, алтын апакем, мээримиң чачып сүйдүрүп.

Кайырма:
Кандайсың, ата-апа, аманбы?
Сагынып айтам саламды.
Кучагың жайып тосуп ал,
Сагынып күткөн, сапарда жүргөн,
Алыста жүргөн балаңды.

Кадимки айыл чети, күн чыкпай күндө турасың,
"Балдарга бак берсин" деп Кудайдан миң жолу суранып,
Ата бир болуп калсам да, "уулум" деп баштан сылайсың,
Атакем, алтын апакем, тилегиң берсин Кудайым.

Кайырма:

Жарыкка көз жарганда эң оболу,
Толгонуп канча жашы корободу.
Кызыл эт балапандай баланы алып,
Калтаарыбай киндик кескен эне колу.

Кайырма:
Үзүлбөй келечектен күткөн ою,
Үйрөтүп, үзүр көрүү өмүр бою.
Эмгектеп, талпынып жаңы баскан мезгилинде,
Тай-тайлап жетелеген эне колу.

Эзилип эт жүрөгү эчен жолу,
Аластап тийбесин деп эч бир ооруу.
Айланып түн уктабай, азап тартып,
Ак сүтүн эмизген да, эне колу.

Кайырма:

Гүлдөтүп мээрим менен талаа-тоону,
Кең салып, чаап берген турмуш жолун.
Жашоонун үрөнүн сээп, өмүр улап,
Чарчабай эмгектенген эне колу.


Кайырма:

Кетким келбейт, өчкүм келбейт,
Жер бетинен калайык.
Таңы да бар, багы да бар
Жердин бети адам үчүн ылайык.
Араңардан санааңардан кетким келбейт досторум,
Баары бар, наары бар тирүүлүктүн көтөрүшүп тосторун.

Кайырма:
Чаңкаганга, суусаганга,
Булак болуп мен агайын.
Кеч киргенде, жер бетине,
Карегимден чыгак жасап жагайын.

Кетким келбейт, өчкүм келбейт,
Жер бетинен адамдар.
Жазы жаңы, жарык таңы,
Келечекте бизди күткөн заман бар.

Кайырма:

Мөлтүрөп бүлдүркөндөр бышкан кезде,
Асманга бүркүт шаңшып учкан кезде.
Cаамайларын cеңселткен ак кайыңдар,
Самашып сагынычымды,
Самашып сагынычымды уккан кезде,
Барам сага.

Шоолалар кирпигиңди өпкөн кезде,
Ак жамгыр нөшөрлөтө төккөн кезде.
Кубарып кусалыктан ак жүзүбүз,
Көп күндөр арабыздан,
Көп күндөр арабыздан өткөн кезде,
Барам сага.

Ширесин карагаттар чачкан кезде,
Ажарын жоогазындар ачкан кезде.
Кучактап бейкутчулук түн коюнун,
Күн нуру уясына,
Күн нуру уясына баткан кезде,
Барам сага.

Гүлдөргө аарыларың конгон кезде,
Бал чөбүн Ой-Алманын соргон кезде.
Алгачкы биз жолуккан кечтегидей,
Алтын ай асмандагы,
Алтын ай асмандагы толгон кезде,
Барам сага, барам сага.

Жыл мезгилдерден жазды сүйөмүн,
Жазындасы сүйүү келет.
Сүйүүмдү дале күтүп жүрөмүн,
Махабатым качан келет?
Күтөм жазды, күтөм чыдабастан,
А менин сүйүүм жүрөт кечигип.
Жүрөк жарылганын карабастан,
Карабастан...

Кайырма:
Жаз, суранамын, эч кетпечи,
Кайда барсаң, ээрчип барам,
Сүйүү булагы – жаз.
Таарынтпачы, ансыз деле,
Күзүндөсү жалгыз калам,
Сүйүү булагы – жаз.

Канча жолу күтөм сүйүү жазын,
Эмнегедир эч келбеди.
Канча адамга жаз сүйүү берип,
Эмне мага эч бербеди.
Күтөм жазды, күтөм чыдабастан,
А менин сүйүүм жүрөт кечигип.
Жүрөк жарылганын карабастан,
Карабастан...

Кайырма:

Муздак кадамым,
Жолуң издеп, жолукканда кандай пайда табамын?
Алыс карааның,
Сагынамын, бүтпөй келет арманым.

Жолуккан бактым,
Айтчы, неге соолуп калды гүлү күткөн таңдардын?
Тарттым азабым,
Табышкан күндөрүм билбей жалганын.

Кайырма:
Арманым,
Сага жете албай калып зар болдум.
Айласыздан таппай келем жолдорум,
Жүрөк ыйлап, сенсиз жалгыз калдым, жаным.

Кеттиң теңебей,
Сүйүүм күчөп таарынамын, тагдыр, себебин билбей.
Балким, сен мендей,
Жүргөндүрсүң күтүп сүйүүңдү сезбей.

Элесиң кетпей,
Оюм жетип, бирок, жаным, сага бир өзүм жетпей.
Жүрөктөн эңсей,
Жашап келем үмүт менен сени эстей...

Кайырма:

Курчап турган дүйнө көңүлгө жагып,
Бактылуумун бүгүн өмүрдө жанып.
Кармаймын учурбай, колумдан келет,
Сезимден, сүйүүдөн ак жолук салып
Сүйөмүн сени...

Кайырма:
Асыл жарым, сулуусуң, тунуксуң,
Асыл жарым, өзгөлөрдөн сүйкүм.
Башкачасың, башкалардан аруу,
Таптазасың, асыл жарым менин.

Сөз менен айта албайм сезимди сага,
Тартуула таңыңды, кечиңди мага.
Дүйнөнү колума салгандай азыр,
Толкун болуп турган кезимди кара.
Сүйөмүн сени...

Сезип дайым жүрөгүнөн ыйыктыгын мекендин,
Ишенебиз, шегибиз жок, чек аранын бекемин.
Погон кийген ар бир кыргыз офицери, силерге,
Ата Журттун сакчысы деп дайым таазим этемин.

Кайырма:
Офицерлер, офицерлер - мекенимдин сакчысы,
Офицерлер, офицерлер - тынчтык күндүн бактысы.
Силерсиңер, силерсиңер бейпилдиктин ачкычы,
Ден соолукта жүргүлөчү, өмүр болсун башкысы.

Бөтөн элди, бөтөн жерди өз жериндей корушту,
Артта калды Афганистан алааматы согуштун.
"Чептен эрдин күчү бек" дейт ата-бабам абалтан,
Билесиңер баркын-баасын ыйык ата конуштун.

Кайырма:

Көкүрөктө орден-медаль - эрдигиңдин белгиси,
Көзүндө от, жалын жүрөк болот дайым эргиши.
Өмүрүңөр өрнөк болсун урпактарга эртеңки,
Милдетиң так аткарасың, коргоп эли-жериңди.

Махабат ыйык сезим,
Кабылсаң кайгы калат жоктолуп.
Маанайың чөккөн кезиң,
Жүрөктө сүйүү оту жок болуп.
Эй, досум кайгырба,
Азапка алдырба.
Сүйүүдөн жол болбой турса.
Жалгыздык жан үрөп,
Көңүлүң азып, күркүрөп,
Ыйлап турса.

Кайырам:
Башыңды салба,
Жалгыздык мезгилдин сыноосун билсең,
Үмүттөн жазба,
Махабат сапарында издеп жүрсөң.
Сүйүү деген өмүрдү гүл кылган күч туура көрсө,
Кайда дебе сен, тааныйсың кезеги келсе.

Таанышып дос издесең,
Достуктан сезим чыгат козголуп.
Жан шерикти сиз десең,
Жактырган жүрөк ысыйт от болуп.
Замандаш тартынба,
Сүйүүңдү алдыба,
Күткөнүң эгер жолукса,
Сезимди камчылап,
Сөздөрдөн терең гүл кура,
Көңүл бурса...

Мен мусулман адам уулу,
Сен да ошондой мусулман.
Менин диним - Ислам дини,
Бир Кудайды туу туткан.
Сен да ошондой мусулман,
Мен да ошондой мусулман.

Кайырма:
Аллоху Акбар!
Аллоху Акбар!
Ла иллаха илла лоху,
Ла иллаха илла лоху,
Ашхаду анна Мухаммаду Рассул Алло.

Өмүр сага берилгендей,
Жараткандан берилди.
Алладан нур төгүлгөндө,
Биссмилла деп төгүлгөн.

Кайырма:

Кел, ыйманга келгиле деп,
Жаратканым чакырар.
Ыйманы бар адам уулун,
Алла Таалам жактырар,
Жаратканым жактырар.

Кайырма: