Жамалыңдан жанып турган элесиң,
Көз алдымдан кетпей тартылат.
Гүл болуп жазда ачылгандай,
Чырайыңдан нуруң чачылат.

Кайырма:
Сезимде, ал сезимде
Махабатым сен, сен ак сезимде.
Сезимде, ал сезимде
Махабатым сен, сен ак сезимде.

Кучагымды жайып тосом сагына,
Үмүтүмдү үзбөй күтөмүн.
Асманда айдай жаркырасаң,
Булут болуп жандап өтөмүн.

Кайырма:

Сезимде махабатым азгырат,
Алыстан кол булгалап чакырат
Ак жүзүң арбалып, жеткизбей талпынат
Жеткизбей ал мага, алыска талпынат

Ар бир күн,
Ар бир түн,
Ар согушу жүрөктүн.
Айтып берет мүнөзүң,
Сенин сүрөтүң.
Ак сүйүүм сен үчүн,
Болду бекен жан күзгүң?
Океандай күйүтүм,
Менин бул сүйүүм.

Бактыма сен кичине эркесиң,
Бактыма сен кичине тентексиң,
Кудайым мага берген кымбат белеги.
Муздак жашоо күтсө бизди алдыда,
Жылытсам дейм сен кучагымда,
Сүйөмүн жаным, сүйөм сени, унутпа.

Кабылдык сүйүү көр жазасына,
Чакадык биз анын азабына,
Биздин кеме жабыр тартты айсберг алдында.

Ар бир күн,
Ар бир түн,
Ар согушу жүрөктүн.
Айтып берет мүнөзүң,
Сенин сүрөтүң.
Ак сүйүүм сен үчүн,
Болду бекен жан күзгүң?
Океандай күйүтүм,
Менин бул сүйүүм.

Бактыма сен кичине эркесиң,
Бактыма сен кичине тентексиң,
Кудайым мага берген кымбат белеги.
Муздак жашоо күтсө бизди алдыда,
Жылытсам дейм сен кучагымда,
Сүйөмүн жаным, сүйөм сени, унутпа.

Боло албайм кооз дос,
Начальник же босс.
Жүрөгүм алсыз,
Сенсиз турат жансыз.
Жалгызсырап алсыз,
Сансыз күндөр сенсиз.
Сага сүйүүм чексиз,
Жашоом болду тузсуз.
Жүрөгүм сага деген үмүтүн эч үзбөдү,
Ойлорум учуп, көңүлүмдү сага түзөдүм.

Ойнобой жашынмак,
Бойлойлу жашыл бак.
Убакыт учкан куш,
Удургуйт закымдап.
Шам болуп жаналы,
Бал болуп тамалы.
Кош булак өңдөнүп,
Кошулуп агалы.

Кайырма:
Асылсыз акактай,
Тунуксуз булактай.
Түйшүккө салдыңыз,
Түгөнбөс азаптай.

Болбоско терикпей,
Болсоңуз деңиздей.
Эзилет жүрөгүм,
Эсимден сиз кетпей.
Күн санап кезиккен,
Күндөрдү көп эстейм.
Күйүткө салбаңыз,
Күтөмүн күндө мен.

Жалындын кучагына,
Мени, мени таштаба.
Жалбарып күтөм,
Ыраа көрбөй башкага.
Жадырап күлүп алдымдан,
Чыга мени тосуп ал.
Жарыгың төгүп,
Жылмая карап наздана.

Кайырма:
Айткым келет сага кел деп,
Эми тезирээк.
Айтчы, жаным ал күн,
Неге, неге кечигет?.

Сагынычым сага күчөп,
Улам-улам мени кыйнады.
Сага арналат,
Ушул сезим ыргагы.
Саамайым сылап өтсө,
Өтсө таңкы эрке жел.
Сага окшотуп,
Жаралуу жүрөк туйлады.

Кайырма:
Айткым келет сага кел деп,
Эми тезирээк.
Айтчы, жаным ал күн,
Неге, неге кечигет?
Ар бир саатым өтпөйт жылга айланып,
Ар бир күнүм мага кылым сезилет.

Сагынычтан саргайган бүтпөс күндөр өттү,
уланып
Жүрөгүмдө сага деген кусалык толуп
Уктабастан түндөр өттү.
Көз алдымда учту сенин сүйкүм элесиң, тагылып,
Кыялымда канат байлап өзүңө учам
Махабаттын отун чачып.

Кайырма:
Махабат сезимимден тарабай,
Издегенден тажабай
Кумарым эч таркабай,
Махабат...

Түбөлүккө менин кош дебеске аргам жок,
Жүрөк суз.
Кечир эми кечир деген сөздөрүң жүрөктө,
Муңга батат кайра кайтпас

Кайырма:
Махабат сезимимден тарабай,
Издегенден тажабай
Кумарым эч таркабай,
Махабат...
Кошкунуң, кошкунуң деп айтамын,
Кечире албайм капамын.
Кетирдим кечиргиз күнөө
Махабат, жүрөк сыздайт,
Кечире албайм, кечире албайм
Кош бол махабат

Алтыным, сага арналат ырым,
Айтылып калсын жүрөктө сырым.
Жалбырак өңдүү саргайбай сүйүүм,
Жапжашыл болуп жашасын кылым.

Кайырма:

Алтындан кымбат ардагым менин,
Айга да теңейм ажарың сенин.
Толкунуң менен толкусун жүрөк,
Толтуруп турчу дүйнөмүн кенин.

Ажарың сүйкүм асманда айдай,
Айлансам жерди артыңдан калбай.
Каркыра куштай катарын бузбай,
Каккандан такыр канатым талбай.

Эңсеген сайын эңсегим келет,
Энчиме бүткөн эң кымбат белек.
Жамалың сенин жаркырып турган,
Жаныма менин күч-кубат берет.

Сагынам сени сагынам,
Жыргалы белең жанымдын
Билинип сенин жоктугуң
Уктабай жаттым ойгонуп.

Кайырма:
Ошол күнү жаады жамгыр эч токтобой,
А мен сени ойлонуп эч жоктобой.
Ошол күнү жаады жамгыр эч токтобой,
А мен сени ойлонуп эч жоктобой.

Сагындым сени сагындым,
Суу болуп жардан агылдым.
Суранам сенден кечирчи,
Сүйүүмдү кантип жашырам?

Кайырма:
Ошол күнү жаады жамгыр эч токтобой,
А мен сени ойлонуп эч жоктобой.
Ошол күнү жаады жамгыр эч токтобой,
А мен сени ойлонуп эч жоктобой.

Досум эсиңде барбы,
Ызы-чуу түшкөн мектептин алды .
Бас десе баспай, жаз десе жазбай,
Тажаткан күндөр эже-агайды.

Кайырма:
Мен биринчи атаман, сен экинчиде,
Бирде сени келтектеп, бирде келтек жеп мен.
Канча жолу мушташтык биз кыз талашып,
Аттиң ошол күндөр калды кайда адашып?

Досум бүгүн мен, сен да ,
Өзгөрдү баары, өзгөрдү эл да.
Балалык кезим сенин да менин,
Сагынтат бизди туулган жер да.

Кайырма:

Эх, доске эстей жүр дайым,
Биз ойноп,өскөн мектептин багын.
Тааныткан тамга сага да, мага,
Унутпа дайым эже–агайды.

Кайырма:

Сагынычым улам сага артылып,
Эңсеп келем, чексиз сүйүү артынып.
Алыс жүрсөм аппак тоолор элестейт,
Көз алдымда сен турасың тартылып.

Тунук булак кыз күлкүсү угулат,
Жашоо өмүр бир өзүңдөн куюлат.
Бүт мейкиндик жашыл килем жамынып,
Элим бүгүн гүлдөп-өсүп баратат.

Кайырма:
Асманда нурлар чачырап,
Мөл булак тоодон ашыгат.
Ажайып кооздук биз жакта, кооздук биз жакта,
Ата Журтум, Ата Журтум,
Ата Журтум гүлдө ар убак.

Таазим этем бир өзүңө баш уруп,
Ата Журтум алтын бешик, аты улуу
Салкын аба, атыр желдин жыты аңкыйт
Сенде баары сөз жетпеген сулуулук.

Кайырма:

Билайн менен ошка бар жана мегаком,
Түн уйкуңду бузуп братан мен, чалдым телефон.
Баягыдай балдай таттуу уйкум жоголгон,
Өзүң айткан мени сүйгөн кыздар чоңойгон.

Кайырма:
Биздин кыздар, кыргыз кыздар,
Күн экен, ай экен.
Ойнок болбой, бойдок болбой,
Үйлөнгөн кандай экен?

Үйлөнүүгө аракет кыл, эрте алекте,
Жашың өтсө жактырышпайт да, качып карактер.
Жүрө бербей кыялданып чыкпай агенттен,
Жүрөгүңдүн теңин изде борбор Бишкектен.

Кайырма:
Биздин кыздар, кыргыз кыздар,
Көп экен, бар экен.
Кыргызымдын сулуу кызын,
Тандадым ал жеңекең.

Биздин кыздар, кыргыз кыздар,
Меники ким экен?
Оштон ашып барсам кантет
Баткенден же Лейлектен,

Биздин кыздар, кыргыз кыздар,
Күн экен, ай экен.
Кыргызымдын кыздарына,
Эч кыздар жетпейт экен.

Жолугуп махабаттын даамын татсаң,
Жүрөгүң үмүт кылат.
Жалгыздык кучагына азыр батсаң,
Жан шерик күтүп турат.

Жүрөк үнү да жалгыз болбойт,
Сүйүп жүргөн адам алсыз болбойт.
Сезимдин оту куйкаласа,
Жалган дүйнө сага даамсыз болбойт.

Өмүрүң көрккө келет жолун улап,
Махабат жандап турса.
Сүйүүгө жүргүн дайым кол булгалап,
Тагдырың калчап турса.

Жүрөк үнү да жалгыз болбойт,
Сүйүп жүргөн адам алсыз болбойт.
Сезимдин оту куйкаласа,
Жалган дүйнө сага даамсыз болбойт.

Турмушуң сызык болот,
Ар кандай кызык болот.
Махабат коштоп турса,
Өзүңдү алдабагын.
Тагдырды кармабагын,
Сүйүү келсе.

Махабат - өмүр көркү.
Жүрөгүң сыздап, ооруп жатса,
Чыдагын сен ансыз болбойт.