Айылыңа бардым, бардым капыстан,
Жактырып сени, сулуу, татынам.
Жагоо таккан сенин таажы мончогуң,
Төп келишип сага баары жарашкан.

Кайырма:
Чынароу деп чакырсам чыкпай үйүңдөн,
Чын арнаган ак сүйүүң барбы көңүлдөн?
Чырмадың чынжырлап байлап сүйүүмдү,
Чынын айтчы, Чынара, кимде көңүлүң?

Достор менен бирге айыл ичинде,
Айланып сага келем кечинде.
Атыңды атап Чынара десем,
Айтууга болуп сөздү чечимге.

Кайырма:

Балбылдаган көздөрүң арбады,
Балдай ширин сүйүүнү арнады.
Бакытым деп жүрөгүм тандады,
Бир сени, жаным.
Бапестеп жашайын сени ар дайым,
Балапаным, мендик болчу, айым.
Байлап алды күлгөнүң жайдары,
Сендик мен, жаным.

Кайырма:
Жалжалым, мага, жаным керексиң,
Жараткан берген, жаным, белексиң.
Жашоомо жарык чачып келесиң,
Жанып белесиң.

Жаркыраган жылдызым, аппагым,
Жамалың сулуу таңдын атканы.
Жаныңда кантип күндүн батканын,
Сезбеймин, жаным.
Жароокерим, кайдан сага кабылдым?
Жалгызымды издеп бүгүн таптым.
Жан дүйнөмдүн чырагын жандырдың,
Сүйүүнүн, жаным.

Кайырма:
Жалжалым, мага, жаным, керексиң,
Жараткан берген, жаным, белексиң.
Жашоомо жарык чачып келесиң,
Жанып белесиң.

Күттүм сени жолуң карап,
Күттүм сени келет деп.
Саамайымды желге тарап,
Жалгыз турдум сени эстеп.
Күттүм сени күндөп-түндөп,
Күттүм сени сагынып.
Келет деген үмүт менен,
Турам зарыгып.

Сен жүрөсүң кайда?
Таба албайм айла.
Таш беле кыздардын жүрөгү?

Кайырма:
Ансайын көрсөм деп эңсеткен,
Ак сүйүүм бир гана сен дегем!
Жоодурап көздөрүң элестеп,
Жолуңдан күтөмүн кетпестен.

Күттүм сени күн өтсө да,
Күттүм көңүл калбастан.
Үмүтүмдү үзө албай,
Максатымдан танбастан.
Күттүм сени, күтө берем,
Жашоо сенсиз жалгандай.
Жалгыз гана күтүү үчүн,
Жаралып мен калгандай.

Сен жүрөсүң кайда?
Таба албайм айла.
Таш беле кыздардын жүрөгү?

Кайырма:

Көргүм келет сенин кара көздөрүңдү,
Айткым келет сагынычка толо сөзүмдү.
Жүрөгүмдө сен, ойлорумда сен,
Дагы эле күтөм өзүңдү.

Кайырма:

Айланайын эне деген сенин атыңдан,
Ааламда эч теңдеши жок затыңан.
Алыс жолго арыбастан барсын деп сени,
Ал күч берип, алпештедиң жашымдан.

Уйку көрбөй кечтиң түндүн неченин,
Ууз сүтүндү актап жашар бекенмин.
Ушул жашоо өмүр берсе канчалык,
Урмат кылып сага таазим этемин.
Маңдайымдан жылбай сен күлдүң,
Мага бердиң ыйык, аппак сүтүңдү.

Ай-күнүм, ай-күнүм, ай-күнүм,
Берекем асылым, көлөкөмсүң,
Атыңды данктаймын, атыңды энекем.
Ай-күнүм, ай-күнүм, ай-күнүм,
Берекем асылым, көлөкөмсүң,
Атыңды данктаймын, атыңды энекем.

Коргошундай ээрип сүйүүнүн табына,
Коштуң мени тирүүлүктүн сабына.
Коргоп келдиң сен мени эчен ооруу, сыркоодон.
Коркок кылып жүрөгүмдү кагыла,
Уйку көрбөй кечтиң түндүн эченин,
Ууз сүтүндү актап жашар бекенмин.
Ушул жашоо өмүр берсе канчалык,
Урмат кылып сага таазим этемин.
Маңдайымдан жылбай сен күлдүң,
Мага бердиң ыйык, аппак сүтүңдү.

Ак сүйүүдө канат байлап учкум келет,
Учкум келет тээ алыска сени издеп.
Жалдыраган көздөрүм жашын төгүп турат,
Жалгыз сен деп.
Карагаттай көздөрүңдү сагынамын,
Махабатка ак сүйүүгө багынамын.
Тоскоол кылган бизге, ал адамга таарынамын.

Кайырма:
Экөөбүз эки жакта, жолдор башка,
Бөлүп турган экөөбүздү ошол чакта,
Жалгыз адам эле тоскоол кылган сага, мага.

Алыстасың, карааныңды көрө албай,
Кыйналамын жан дүйнөмдү сүйүүң арбай.
Алсыраймын, жаным, бактым сага байлангандай.
Сүрөтүңө кадаламын көзүм канбай,
Күндөрдү эстеп басып жүрчү сени жандай,
Жалбыраксыз калдым жашым төгүп ыйлап,
Жалгыз талдай.

Кайырма:
Экөөбүз эки жакта, жолдор башка,
Бөлүп турган экөөбүздү ошол чакта,
Жалгыз адам эле тоскоол кылган сага, мага.

Бир өзүңдү, жаным, чындап сүйчү элем,
Жалыны жок муздак отко күйчү элем.
Алсырайм, жаным,
Үмүт үзбөй күтүп келем.

Кайырма:

Сүйчү элем сени жаным жаңылбай,
Сүйчү элем тоскоолдукка багынбай.
Акыр бир күн айрып салдың сүйүүмдөн,
Көздөн жашым агат дайым тамчылай.

Кайырма:
Сенин ордуңа ошол адам жашайбы?
Сени эмес, мени азапка салбайбы?
Сүйүшкөндөр айрылбастан түбөлүк,
Бирге болуп бул жашоодо калбайбы?

Үзүлбөгөн үмүтүмдү камчылап,
Көздөн жашым ак баракка тамчылап.
Ырларымды бир өзүңө жазам деп,
Азап тартып ыйлайм, жаным, канча убак?

Кайырма:
Сенин ордуңа ошол адам жашайбы?
Сени эмес, мени азапка салбайбы?
Сүйүшкөндөр айрылбастан түбөлүк,
Бирге болуп бул жашоодо калбайбы?

Жете албай турмуш жолуна,
Камалып сүйүү торуна.
Кайрылбай кеттиң ал менен,
Бир түшүп турмуш жолуна.

Ар түркүн түшүп оюма,
Арманым батпай койнума.
Алсырап азыр турамын,
Калемим кармап колума.

Кайырма:
Мейли кайрылба, мейли сагынба,
Бактылуу болгун мындан ары да.
Мейли кайрылба, мейли сагынба,
Бактылуу болгун мындан ары да.

Кадырын билбей сүйүүнүн,
Бакыттын доорун сүргүнүң.
Түбөлүк эмес, жалганда,
Бирөөнү тандап сүйгүнүң.

Чече албай кимди сүйөрүң,
Иче албай сүйүү мүрөгүн.
Өзүңдү, жаным, кыйнаба,
Уккунуң тындап жүрөгүң.

Кайырма:

Бактыңа жет, айрылуу жок жол менен,
Махабатка жете албайсың ой менен.
Өзүңдү-өзүң кыйнабагын эми сен,
Бактылуу болгун, жан эркем.

Кайырма:

Түшүнчү, жаным, табигат сырын,
Түшүнсөң эгер сүйөрсүң, айым.
Жашоо бир келет, сүйүү бир келет,
Жаңылышуудан сактануу керек.
Күнөө сенде эмес, күнөө менде эмес.
Күнөө сүйүүдө, экөөбүздө эмес.

Келсеңчи мага, кымбатым селки,
Сагындым сени, сагынчы мени.
Келсеңчи мага, кымбатым селки,
Сагындым сени, сагынчы мени.

Жашоо бир келет, сүйүү бир келет,
Жаңылышуудан сактануу керек.
Күнөө сенде эмес, күнөө менде эмес.
Күнөө сүйүүдө, экөөбүздө эмес.

Жылдан-жылга саамайың буурул тартып,
Жылуу жүздүн бырышы барат артып.
Апакебай, ардагым, теңдеши жок,
Атып турчу ак таңдай, күндөй жаркып.

Кайырма:
Апакебай, ак шооладай,
Жанып турчу күндө жаркып.
Апакебай, ак шооладай,
Жанып турчу күндө жаркып.

Сенин барың өмүргө кубат берет,
Сени эстесем көңүлгө кубанч келет.
Турмушумду бөксөртпөй көктөп турчу,
Сен жашоого көрк берген чынар терек.

Кайырма:
Апакебай, ак шооладай,
Жанып турчу күндө жаркып.
Апакебай, ак шооладай,
Жанып турчу күндө жаркып.

Жылдан-жылга саамайың буурул тартып,
Жылуу жүздүн бырышы барат артып.
Апакебай, ардагым, теңдеши жок,
Атып турчу ак таңдай, күндөй жаркып.

Кайырма:

Сүйүү кандай башталарын,
Турмуш кандай куруларын.
Түшүнбөдүң айтканыма,
Жүрөгүмдү жараладың.

Сүйгөнүм сен карабадың,
Сүйүүгө сен жарабадың.
Алыстатып бир өзүңдү,
Ар убакта капаланттың.

Кайырма:
Сүйгөнүм келчи кайра
Сүйүү демин берчи мага
Оо жараткан күбө болуп,
Жардам жүрөк дартыма.

Мен сүйгөнмүн сени гана,
Алмаштырбай башка адамга.
Ак сүйүүмдү кайрып берер,
Жалгыз өзүң бул ааламда.

Көзүң күлүп нурун чачса,
Көргүм келип кайра-кайра.
Жан дүнөмдү жалдыратып,
Кеткениңде эмне пайда.

Кайырма: