Керме каштуу селкилерге сунуп урматын,
"Кыргыз кыз" деп жар салат ырчы Нурматың.
Жыгылсам таяган, жалооруп аяган,
Жылдыздуу пери кыз болчу курдашым.

Кайырма:
Жүрөгүмдүн ооругансып турат туш жагы,
Жетпей сага көңүл чиркин канча сыздады?
Ажары ченелбес, айга да теңелбес,
Ааламда эң сулуу кыргыз кыздары.

Каректери таң сыяктуу атса кылайып,
Кылыгынан эркелеген таппайм бир айып.
Кайыңдай суналган, кымча бел, буралган,
Кыргыздын бир кызы мага ылайык...

Кайырма:


Сен жылмайсаң уялгансыйт көктө күн дайым,
Ууртундагы уячаңа сүйүүм сунайын.
Козгогон сезимди, кыргыз кыз өзүңдү,
Апама алпарып келин кылайын.

Кайырма:

Жүрөгүмдүн согушунан улам,
Жакын жүргөнүмдү сезип турам
Алыстаба, кетпе...
Алоолонуп күйүп жандым,
Айрыба деп алсыз жалынганмын,
Айып эми кимде?

Тагдырга багынбайм, жок, таарынбайм,
Сага таарынбайм
Илебин алдырбайт, жүрөк тандайт,
Жүдөп калбай.

Кайырма:
Баары бир сени сүйөм,
Баары бир сен деп жүрөм.
Баары бир сени сүйөм,
Баары бир сен деп жүрөм.

Каректериң жашоо берет мага,
Карай турчу суранайын кайра, издейсиң кимди?
Сезимиңден кубат алам,
Сендей жандан кантип алыстатам, каректеримди.
Тагдырга багынбайм, жок, таарынбайм,
Сага таарынбайм
Илебин алдырбайт, жүрөк тандайт,
Жүдөп калбай.

Кайырма:

Сүйөмүн дейсиң, жарыгым дейсиң,
Сүйүнтүп жаныма келбейсиң
Сүйүүнүн даамын тата албай калдым,
Тагдырымды сен билбейсиң
Тагдырымды сен билбейсиң
Ишенип сен сүйүү дейсиң
Тагдырыңды сен билбейсиң
Мен билбеймин, сен билбейсиң

Көз кумарын кандырган,
Көркөмүнө жан курман.
Эң бир ыйык жерибиз,
Эргүү табат ар бир жан.
Өмүрүбүз кулпунат,
Өрдү карай умтулат.
Кемибесин бактыбыз,
Керек бизге ынтымак.

Кайырма:
Көңүлүбүз куш болсун,
Көлдөй ырыс туш болсун.
Алакандай кыргызга,
Ала-Тоодой кут консун.

Башты бийик көтөргүн
Байлыгы сен мекендин
Үлгү болсоң балаңа,
Үмүтүңө жетерсин.
Ден соолук бер дегиле,
Дем кошулат демиңе.
Тилегенди өзүмө,
Тилеп келем элиме.

Кайырма:

Тулпар минген оо, жаштыктын,
Арбытат жолдорун жылдардын.
Түшүнүп кайрылбас күндөргө,
Муң кошуп бул ырды мен ырдаймын.
Тизгинин тартамын жаштыктын,
Ал жетпейт адбырып барамын.
Туулган күн кече эле өткөндөй,
Бүгүн кайра тосуп мен турамын.

Кайырма:
Куйгула досторум шараптан,
Ой басып, буулугуп мен баратам.
Билемин себепкер мезгил го,
Дайрадай шар аккан,
Дайрадай шар аккан,
Дайрадай күчү зор шар аккан.
Себеле, себеле, себеле ак жамгыр
Билинбей кошулду го дагы бир жыл
Энекем үчүн деп мен бүгүн
Ырдаймын жаңы ыр, ырдаймын жаңы ыр.
Ырдаймын мен бүгүн жаңы ыр.

Анда мен жаш кезде ой менен,
Өтүптүр көп күндөр той менен.
Туулган күн белгилеп мен бүгүн,
Армансыз жаштыкты кое бергем.

Кайырма:

Көчөлөрү ар түр жашылдан,
Кере жутам таза абаңдан.
Көз салсам төмөн тарапка,
Көкмөк көлүң ойноп чалкыган.

Кереметүү тоосу Шамшыкал
Жер соорусу Арым, Итагар
Капчыгай, Чычкан, Бейиш-Төр
Узун-Акмат, Торкен дайралар.

Кайырма:
Биздин туулган жер ушул,
Биз да ушул жерге уул,
Акындын аты аталган жер, Токтогул.
Ырчы кызы, ырчы уул,
Биздин туулган жер ушул,
Акындын аты аталган жер, Токтогул.

Обон чыгат аска-зоосунан,
Ыр татымы келет тузунан.
Касиеттүү алтын бешигим,
Күү угулат аккан суусунан.

Кайырма: