Кыйналды жаным
Кабарың билбейм, кайдасың?
Ким менен кайда, жүрөсүң кандай жайдасың?
Өрттөндү өзөк, сагыныч батпай жүрөккө,
Махабат кыйнап, кусамын таппайм, кусамын таппайм айласын.

Балбылдап жанган көздөрүң көрбөй сагындым,
Сагыныч кыйнап сары оору дартка кабылдым.
Алымды сурап бир жолу кабар албаган,
Жүрөгүң сенин таш беле сага, таш беле сага таарындым

Таарындым жаным, алымды сурап келип кет,
Сүйүүңдү чачып, көңүлүң мага бөлүп кет.
Көп мезгил көрбөй сары оору болгон дартымдын дабасы сенсиң,
Мээримиң келип, мээримиң келип төгүп кет.
Алымды сурап бир жолу кабар албаган,
Жүрөгүң сенин таш беле сага, таш беле сага таарындым

Сен болсоң тоонун улары,
Мен болсом аккан булагы.
Булактан улар суу ичсе,
Таркайбы жандын кумары?

Жаз айы, жамгыр төккөндө,
Жаз айы, сулуу көктөмдө,
Элжиреп кетти жүрөгүм,
Алгачкы жолу өпкөндө.

Сен болсоң көлдүн кайыгы,
Мен болсом анын балыгы.
Кайыкка балык жанашса,
Болбостур анын айыбы.

Узасаң болду алыска,
Жарасаң болду намыска.
Сүзмөдөй аппак жүзүңдөн,
Өптүрүп койчу карызга,
Сүйдүрүп койчу карызга.

Айылың укмуш экен,
Ай тийген кечте келдим.
Сунуштап бир оюңду,
Суранам кетпе дедиң.

Кайырма:
Жымыңдайт ушул күнгө,
Жылдыздар күбө болуп.
Жаныңда калгым келди,
Жароокер бүлөң болуп.

Өңүм да, түшүм эмес,
Өзүнчө жомок болуп.
Билемин келгенимди,
Бир күнгө конок болуп.

Кайырма:

Көнөрбөс сезимиңди.
Көзүңдөн көрүп турам.
Бир арман экөөбүздү,
Бир жол бар бөлүп турган.

Кайырма: