Бишкекте ачык асман алдында романтикалуу маанай тартуулаган музыкалык кече өттү (фото, видео)
Бишкекте кечээ, 18-августта Дайыр Асанов атындагы Жеңиш паркында эстрада, опера ырчыларынын катышуусунда ачык асман алдындагы музыкалык кече өттү. Анда 300гө жакын шаар тургуну симфониялык оркестрдин аткаруусундагы классикалык музыкаларды, сүйүктүү ырчыларынын жандуу үндөрү коштогон чыгармаларды угуп, оор жумуш күнүнөн кийин эс алууну көтөрүңкү маанайда тосуп алышты.
Концертте Мирбек Атабеков, Омар, Гүлжигит Калыков, Нурмат Садыров, Нурлан Насип, Роза Шакирова, Съездбек Искеналиев, Замир Арыкбаев баштаган эстрада ырчылары, Бакыт Ыбыкеев, Замира Мавлянова, Тилек Найманбаев өңдүү белгилүү опера ырчылары өнөрлөрүн тартуулашты.
Салтанаттуу иш-чара "Адеп, ыйман жана маданият" жылына карата Бишкек шаардык мэриясы тарабынан уюштурулду. Уюштуруучулардын айтымында, буга чейин мындай кечелер Свердлов райондук администрациясы тарабынан өткөрүлүп, кезек Октябрь райондук башкармалыгына берилген. Мындан кийин музыкалык кечтер ар жума сайын башка райондук администрациялар тарабынан өткөрүлүп, 8-сентябрга чейин уланат.
2498 Мирбек Атабеков "Сени көрбөй" чыгармасын аткарып жатып бийлеп, элдин маанайын көтөрдү
2498 Айтылуу "'O sole mio" ырын ырчылар жогорку деңгээлде аткарышты
2498 Гүлжигит Калыков "Кереметтүү аппак Ала-Тоо" ырын жандуу үн менен музыкасыз созуп берди
2498 Оркестрдин аткаруусундагы классикалык музыка
2498 Омар - "Жүрөгүм менин"
2498 Опера ырчылары Замира Мавлянова, Тилек Найманбаевге көрүүчүлөр көпкө чеийн кол чаап, коштоп турушту
1
1 |

Супер-Инфо
super.kg видео















