Жакынкы Чыгыштагы чыңалуу энергетикага олуттуу таасир этет

Жакынкы Чыгышта, айрыкча Ирандын айланасындагы жаңжал дүйнөлүк энергетика тармагына олуттуу таасир тийгизиши мүмкүн. Бул тууралуу эл аралык маселелер институтунун эксперти Владимир Нежданов билдиргендигин чет элдик басылмалар жазышты.

Анын айтымында, мындай кырдаал энергия үнөмдөөчү технологиялардын тез өнүгүшүнө түрткү берип, ошол эле учурда глобалдык энергетикалык кризиске алып келиши мүмкүн. Эксперт бул жагдайды 1970-жылдардагы дүйнөлүк энергетикалык кризис менен салыштырды.

Тарыхта белгилүү болгондой, 1973-жылы кризис араб өлкөлөрү мунай жеткирүүнү токтоткон учурда башталган. Бул чечим Израил менен Сирия жана Египет ортосундагы жаңжалдан кийин кабыл алынган.

Эксперт белгилегендей, азыркы рынок мындай сценарийге белгилүү деңгээлде даяр жана мурдагы тажрыйбага таянуу менен мүмкүн болгон тобокелчиликтерди баалоо маанилүү.