Түштүк Корея бийлиги күйүүчү майга болгон салыкты төмөндөтүүнү пландаштырууда

Түштүк Корея өкмөтү Жакынкы Чыгыштагы кырдаалга байланыштуу күйүүчү майга болгон убактылуу салыкты эки эсе азайтууну пландап жатат. Бул тууралуу Рёнхап басылмасы өлкөнүн Каржы министрлигине шилтеме берүү менен билдирди.

Мындай чара керектөөчүлөр менен өнөр жайдын каржылык жүгүн жеңилдетүү максатында иштелип чыгууда.

Буга чейин өлкөдө бензинге салык 7 пайызга, дизелдик отунга 10 пайызга төмөндөтүлгөн. Бул чара апрелге чейин күчүндө болчу. Министрлер кабинети аны 1-апрелден майдын аягына чейин узартууну жана тарифтерди тиешелүүлүгүнө жараша 15 пайызга жана 25 пайызга төмөндөтүүнү пландаштырууда.

Салыктын төмөндөшүнүн натыйжасында бензиндин бир литринин баасы 65 вонго (0,04 долларга), ал эми дизель майы 87 вонго арзандайт.

Кырдаал мындан ары да начарласа, мунайдын дүйнөлүк баасына жана чыр-чатакка жараша кошумча кыскартуулар каралат. Өлкөнүн мыйзамдарына ылайык, күйүүчү майга болгон салыктар 37 пайызга чейин кыскарышы мүмкүн.