Токиодо сакура толук гүлдөдү (видео)

Япониянын Токио шаарында сакуранын гүлдөө мезгилинин эң жогорку чеги катталды. Айрыкча популярдуу болгон сомэй-йосино сорту учурда толук гүл ачкан абалда.

Чет элдик басылмалар белгилегендей, акыркы күндөрдөгү аба ырайы дарактардын активдүү гүлдөшүнө шарт түздү. Расмий билдирүү ишемби күнү саат 14:00 чамасында Ясукуни храмы аймагындагы эталондук сакура дарагына жүргүзүлгөн байкоодон кийин жасалды. Бул убакта борбор калаанын борбордук бөлүгүндө абанын температурасы +19,4 градуска жеткен.

Адистердин айтымында, быйыл сакуранын гүлдөшү өткөн жылга салыштырмалуу эки күн эрте башталып, орточо көп жылдык көрсөткүчтөн үч күнгө эрте болду.