Иран менен АКШнын сүйлөшүүлөрүнүн экинчи айлампасы жакынкы күндөрү өтүшү мүмкүн

Иран менен АКШнын ортосундагы сүйлөшүүлөрдүн экинчи айлампасы жуманын аягында өтүшү ыктымал. Бул тууралуу чет элдик басылмалар жазышты.

Маалыматка ылайык, АКШнын президенти Дональд Трамп жолугушуу жакынкы эки күндүн ичинде Пакистанда өтүшү мүмкүн экенин айткан. Айрым маалыматтарга караганда, жолугушуу Түркия же Египетте да уюштурулушу ыктымал.

Биринчи айлампа өткөн дем алыш күндөрү Исламабад шаарында болуп, анда тараптар бир катар негизги маселелер боюнча макулдашууга келе алган эмес. АКШ өзгөчө Ирандагы байытылган уран маселесин көтөрүп, аны өлкөдөн чыгарууну талап кылууда.