Трамп ирандыктардын АКШ менен сүйлөшүүлөргө келерине ишенет

АКШ президенти Дональд Трамп Исламабадда күтүлүп жаткан сүйлөшүүлөргө Иран катышарына ишеним артат. Бул тууралуу ал The John Fredericks Show басылмасына маек бергенде айткан.

"Алар сүйлөшүүлөрдү жүргүзүшөт, эгер андай болбосо, мурда көрбөгөн көйгөйлөргө туш болушат. Алар адилет келишим түзүп, өлкөсүн калыбына келтирет деп ишенем",- деген Трамп.

Ал ирандыктар "өзөктүк куралга ээ болбойт" деп дагы бир жолу кайталаган.

Буга чейин Иран бийлиги Вашингтондун ашыкча талаптарынан улам АКШ менен сүйлөшүүлөрдүн жаңы айлампасына катышуудан баш тартканы тууралуу билдирүү тараткан. Ага удаа Иран өз делегациясын Исламабаддагы сүйлөшүүлөргө жөнөтүү шартын атаган. ЖМКлар жазгандай, сүйлөшүүлөр 21-апрелде өтүшү мүмкүн.

Эске салсак, 12-апрелде Иран менен АКШ Исламабадда сүйлөшүү жүргүзгөн, азырынча тараптар бирдиктүү макулдашууга жетише элек.