ЖЫЛНААМА, 8-МАЙ: "Даңазалуу доор" түрк сериалында Мустафанын ролун жараткан актёр 51 жашта

Бүгүн "Даңазалуу доор" сериалындагы Мустафа ханзаада ролу менен атактуу болгон түркиялык актёр жана модель Мехмет Гүнсүр 51 жашка толду.

Ал 1975-жылы 8-майда Стамбул шаарында жарык дүйнөгө келген. Ата-энеси мугалим болуп иштеген. Мехмет Гүнсүр Италиядагы лицейди аяктаган соң Мармара университетинин журналистика жана массалык коммуникация бөлүмүн аяктаган.

Мехмет Гүнсүр 7 жашында жарнамалык түрмөккө тартылып, экрандагы тушоосу кесилген. Ошондо эле кийимдер брендинин жүзү болгон. Өспүрүм кезинде музыкага кызыгып, түрктөрдүн "Dawn" (Агарган таң) аттуу тобунун солисти болуп жүргөн. Аны менен кошо ресторанда бармен болуп иштеп жүрүп, жеке ресторандык бизнесин түптөгөнгө да жетишкен.

Мехмет актёрлукка караганда моделдик бизнес менен көбүрөөк алектенет. Анткени анын жүзүн өзүнүн жарнамасында көргүсү келген компаниялар көп.

1989-жылы "Мимоза" тасмасына тартылган. Бирок атактуулукту "Түрк мончосу" (Турецкая баня) тасмасындагы ролу алып келген.

Актёр 2006-жылы италиялык Катерина Монжио аттуу даректүү фильмдердин режиссёруна үйлөнгөн. Түгөйлөрдүн ортосунда бир уул, эки кызы бар. 2010-жылдан бери түгөйлөр Италиянын борбору Римде жашайт.