Израил менен Ливан ок атышууну токтотууга макул болушту

Израил менен Ливан ок атышууну токтотууга макул болушту. Эки өлкөнүн делегацияларынын төртүнчү жолку сүйлөшүүлөрү 2-3-июнь күндөрү өткөн.

"АКШ ортомчулугу менен өткөн сүйлөшүүлөрдүн жыйынтыгында Израил менен Ливан ок атышууну токтотуу режимин ишке ашыруу боюнча макулдашты. Тынчтык келишиминин күчүнө кириши “Хезболла” кыймылынын ок атууну толук токтотуусуна жана анын өкүлдөрүнүн Литани дарыясынын түштүк тарабындагы аймактан чыгарылышына байланыштуу",- деп айтылат АКШнын Мамлекеттик департаментинин маалыматында.

Тараптар ошондой эле Ливандын куралдуу күчтөрү гана көзөмөлдөй турган өзүнчө аймактарды түзүүнү тез арада баштоону макулдашты.

Мындан тышкары, 22-июндан тартып ар тараптуу келишимге жетишүү максатында АКШнын ортомчулугу алдында саясий жана аскердик диалог кайра жандандырылат.