Путин Кытай лидери менен жолугушуу достук маанайда өткөнүн билдирди 

Орусиянын президенти Владимир Путин Кытайдын төрагасы Си Цзиньпин менен болгон жолугушуу достук маанайда өткөнүн билдирди. Бул тууралуу Орусиянын РИА Новости басылмасы жазды.

Анда Орусия лидери Си Цзиньпинге жана кытай элине көрсөткөн жылуу кабыл алуусу жана меймандостугу үчүн ыраазычылык билдирген.

"Азыр эле эки тараптуу кызматташтыктын маанилүү маселелери боюнча салттуу достук сүйлөшүүлөрдү өткөрдүк. Эми бул маселелерди кеңейтилген курамда талкуулайбыз. Биздин максат - орус жана кытай элдеринин жыргалчылыгы жана гүлдөп өсүшү",- деген Путин.