Испанияда хантавирустан жабыркаган экинчи адам аныкталды

Чет элдик басылмалар Испанияда хантавирусту жуктуруп алган экинчи адам аныкталганын жазышты.

Маалым болгондой, Мадрид шаарындагы ооруканада карантинде жаткан бейтаптардын бири хантавируска тапшырган тесттен оң жыйынтык чыккан. Бул MV Hondius круиздик лайнеринде болгон 14 испаниялык жарандардын арасындагы экинчи бейтап.

Өлкөнүн Саламаттык сактоо министрлигинин маалыматына ылайык, бейтап ооруну белгилери жок өткөрүүдө. Ал өзгөчө коргоо деңгээлиндеги изоляторго которулуп, дарыгерлердин тыкыр көзөмөлүндө болууда.

Эске салсак, апрель айында MV Hondius кемесинин бортунда хантавирус тараган. Андан нидерланддык жубайлар жана Германиянын 1 жараны каза тапкан. Жалпысынан кемеде 147 адам болгон. Алар эвакуациялангандан кийин дагы деле карантинде кармалып турушат.