Биволдун чечинүүчү жайында Кыргызстандын да желеги илинип турду (видео)

Абсолюттук дүйнө чемпиону, жарым оор салмактагы белгилүү мушкер Дмитрий Бивол Екатеринбург шаарында германиялык Михаэль Айферт менен күч сынашып, жеңишке жетти. Бул жыйынтык менен ал өзүнүн чемпиондук титулдарын сактап калды.

Мушкердин кийим чечүүчү жайында Орусия менен катар Кыргызстандын желеги да илинип, бул көрүнүш кыргызстандык күйөрмандар арасында сыймык жаратты.

Бивол спорттук карьерасында Орусияда өскөнүн айтса да, өзүнүн тамыры Токмок шаары менен байланыштуу экенин белгилеп келет. Ал бокско болгон алгачкы кадамдары дал ушул жерден башталганын айтып жүрөт.