Футбол аркылуу колдоо. Кыргызстан Палестина элине жардам көрсөтөт

Кыргыз футбол биримдиги Кыргызстан менен Палестинанын беттешинен түшкөн каражаттын бир бөлүгү палестиналыктарга кайрымдуулук катары жумшаларын билдирди.

Маалым болгондой, ФИФА күндөрүнүн алкагында уюштурулган эки эл аралык жолдоштук беттеште сатылган билеттерден түшкөн каражаттын бир бөлүгү Палестина элине колдоо көрсөтүүгө берилет.

Эскерте кетсек, оюндар 6 жана 9-июнь күндөрү Бишкек шаарындагы Дөлөн Өмүрзаков атындагы стадиондо өтөт. Оюндун башталышы саат 20:30да. Ал эми күйөрмандар үчүн 18:30дан тарта стадиондун аймагында атайын шоу-программа уюштурулат.

Палестина курама командасына каршы бул беттештер Кыргызстандын улуттук курама командасынын 2027-жылдагы Азия Кубогуна даярдыгынын маанилүү бөлүгү болуп саналат.