Депутат: "Кесиптердин актуалдуулугуна карата изилдөө жүргүзүү керек"

Жогорку Кеңештин депутаты Болот Сагынаев учурда жасалма интеллект көптөгөн тармактарга өзгөртүүлөрдү киргизип жатканын белгилеп, кесиптердин актуалдуулугуна карата изилдөө зарылдыгын белгиледи.

"Мектеп программаларына жасалма интеллект боюнча башталгыч билимдерди жана санариптик сабаттуулук боюнча сабак киргизүү маселесин кароо зарыл. Бул жерде сөз бардык балдарды программист кылуу жөнүндө эмес. Сөз технологияны түшүнүү, аны жоопкерчиликтүү колдонуу, сынчыл ой жүгүртүү жана жаңы шарттарга ыңгайлаша билүү жөнүндө болуп жатат",- деди депутат.

Ошондой эле учурдагы кесиптердин эмгек рыногуна канчалык жооп бере турганын жана актуалдуулугун изилдөө үчүн Илим министрлигине жана Улуттук илимдер академиясына тапшырма берүү керектигин билдирди.