Түркияда Дүйнө чемпиондугу-2026нын эң көп жылмайган курамасы аныкталды

Футбол боюнча 2026-жылдагы Дүйнө чемпиондугунун алдында өзгөчө рейтинг жарыяланды. Түркиянын Kiyas порталы турнирге катышкан бардык улуттук курамалардын расмий Panini стикерлерин талдап, сүрөттөрдө канча футболчу жылмайып түшкөнүн эсептеген.

Рейтингдин жыйынтыгында эң жылмайган команда болуп Уругвайдын улуттук курамасы табылды – расмий сүрөттөрдө бардык 18 оюнчу жылмайып түшкөн.

Экинчи орунду Колумбия, Франция, Япония жана Шотландия бөлүштү. Бул командаларда 18 футболчунун 17си жылмайып сүрөткө түшкөн.

Алдыңкы ондукка Швейцария (16), Нидерланддар (15), Түштүк Корея (15), Испания (15), Англия (14), Мексика (14) жана АКШ (14) дагы кирди.

Өзбекстандын улуттук курамасы рейтингде 22-орунду ээледи – команданын 18 оюнчусунун ичинен 10у гана жылмайып түшкөн.

Ал эми эң олуттуу командалар катары Канада менен Түштүк Африка белгиленди. Бул эки кураманын расмий Panini сүрөттөрүндө бир да футболчу жылмайган эмес.