Футбол боюнча Дүйнө чемпиондугу Мексиканын жеңиши менен башталды

2026-жылкы футбол боюнча Дүйнө чемпиондугунун алгачкы оюнунда Мексика курама командасы Түштүк Африканы 2:0 эсебинде жеңип алды. Беттеш Мехико шаарындагы атактуу "Ацтека" стадионунда өттү.

Оюндун башкы калысы болуп бразилиялык арбитр Вилтон Сампайо кызмат өтөдү. Мексикалык футболчулар өз күйөрмандарынын алдында мыкты оюн көрсөтүп, турнирдеги алгачкы үч упайын камсыздашты.

Бул беттеш А тайпасынын алкагында өттү. Жеңиштен кийин Мексиканын тайпадагы көрсөткүчү биринчи орунга чыгып, Түштүк Африка төртүнчү сапка жайгашты.

Бүгүн, 12-июнда ушул эле тайпанын дагы бир оюнунда Түштүк Корея менен Чехия күч сынашат.

Экинчи турда Мексика 19-июнда Түштүк Кореяга каршы ойнойт, ал эми 25-июнда Чехия менен беттешет. Түштүк Африка болсо 18-июнда Чехияга каршы чыгып, 25-июнда Түштүк Корея менен жолугат.

2026-жылкы Дүйнө чемпиондугу 19-июлга чейин АКШ, Канада жана Мексикада өтөт.