Манаста футбол майрамынын шаңы сезилүүдө

Бүгүн, 13-июнда Манас шаарындагы "Курманбек" стадионунда өтө турган "Мурас Юнайтед" менен "Алга" командаларынын беттешин утурлай күйөрмандар өзгөчө даярдык көрүшүүдө.

Оюн баштала электе эле футбол сүйүүчүлөрү аренага чогулуп, сүйүктүү командаларын колдоо үчүн желектерин жана атрибуттарын алып келишти.

Стадиондун айланасында майрамдык маанай өкүм сүрүп, күйөрмандар кызыктуу жана курч мүнөздөгү беттешти чыдамсыздык менен күтүп жатышат.

Бүгүнкү оюн Кыргыз Премьер-лигасынын кезектеги турунун эң маанилүү беттештеринин бири катары бааланууда.