Месси Аргентина курама командасы үчүн 119-голун киргизди. Бул анын карьерасындагы 913-голу

Бүгүн, 17-июнда белгилүү чабуулчу Лионель Месси Аргентина улуттук курама командасы үчүн 119-голун киргизди. Бул 2026-жылдагы Дүйнө чемпиондугунун тайпалык баскычындагы Алжирге каршы алгачкы беттештин биринчи таймында болду. Оюн АКШнын Канзас-Сити шаарындагы "Эрроухед" стадионунда өтүп жатат.

Оюндун 17-мүнөтүндө Месси жарым коргоочу Родриго Де Паульдун топту чыгарып берүүсүнөн кийин бош аймакка чыгып, айып аянтчасынын сызыгына жакын жерден сол буту менен дарбазанын жогорку бурчуна так сокку узатып, эсепти ачты.

38 жаштагы аргентиналык футболчу үчүн бул эки гол улуттук кураманын курамындагы 200-оюнундагы 119-гол болуп калды.

Жалпысынан Месси карьерасында бардык мелдештерде 913 гол киргизди. Анын ичинде:

• "Барселона" клубу үчүн — 672 гол;
• "Пари Сен-Жермен" клубу үчүн — 32 гол;
• "Интер Майами" клубу үчүн — 90 гол;
• Аргентина курама командасы үчүн — 119 гол.

Дүйнө чемпиондугунун J тайпасында Аргентинанын башка атаандаштары Австрия жана Иордания курама командалары болуп саналат.

Аргентина 2022-жылы өткөн Дүйнө чемпиондугунда жеңишке жетишкен. 2026-жылкы оюндар АКШда, Канадада жана Мексикада 19-июлга чейин уланат.