“Ден соолук” спартакиадасы: ордо боюнча Бишкек командасы жеңүүчү болду

Бүгүн, 22-июнь күнү “Кыргыз Деңизи” санаторийинде Кыргыз Республикасынын жалпы билим берүү жана кошумча билим берүү уюмдарынын педагогикалык кызматкерлеринин арасында өтүп жаткан “Ден соолук” спартакиадасынын алкагында ордо спорту боюнча мелдеш жыйынтыкталды. Бул тууралуу дене тарбия жана спорт мамлекеттик агенттигинен билдиришти.

Жыйынтыгында:

* 1-орун — Бишкек шаарынын жалпы билим берүү мектептеринин командасы;
* 2-орун — Талас облусунун жалпы билим берүү мектептеринин командасы;
* 3-орун — Ысык-Көл облусунун жалпы билим берүү мектептеринин командасы.

Мелдеш педагогдор арасында спортту жайылтуу жана ден соолукту чыңдоо максатында уюштурулган.