Кыргызстандын өспүрүмдөрү муай-тай боюнча дүйнө чемпиондугунда 8 медаль жеңди

Кыргызстандын өспүрүмдөр курама командасы Эл аралык муай-тай федерациясынын (IFMA) мектеп окуучулары арасындагы дүйнө чемпиондугунда ийгиликтүү катышып, жалпы 8 медаль багындырды. Бул тууралуу Дене тарбия жана спорт мамлекеттик агенттигинен билдиришти.

Маалыматка ылайык, мелдештин жыйынтыгында кыргызстандык спортчулар 2 алтын, 4 күмүш жана 2 коло медаль утуп, өлкө намысын татыктуу коргошту.

Алтын медаль ээлери:

• Диана Зайнитдинова

• Айназик Арстанбекова

Күмүш медаль ээлери:

• Рамис Масловец

• Абу-Бакр Бакиев

• Даниэль Эсенгулов

• Агиля Бердалиева

Коло медаль ээлери:

• Актилек Усенбаев

• Адинай Бейшекеева

Курама команданы машыктыруучулар Ильяр Бакиев, Мирбек Саркалмаков жана Жолчуу Абдалов даярдашкан.

Өспүрүм спортчулардын бул ийгилиги Кыргызстандын муай-тай спорту дүйнөлүк аренада өсүп жатканын дагы бир жолу тастыктады.