Манас шаарында “Мен чемпионмун” республикалык оюндары старт алды

23-июнда Жалал-Абад облусундагы Манас шаарында балдар-өспүрүмдөр спорт мектептеринин тарбиялануучулары арасында өтүүчү республикалык “Мен чемпионмун” оюндарынын салтанаттуу ачылышы болду. Бул тууралуу Дене тарбия жана спорт мамлекеттик агенттигинин басма сөз кызматынан билдиришти.

Маалыматка ылайык, ачылыш аземине Дене тарбия жана спорт мамлекеттик агенттигинин директорунун орун басары Болотбек Ашыралиев, президенттин Жалал-Абад облусундагы ыйгарым укуктуу өкүлү Тилек Текебаев жана Манас шаарынын мэри Уларбек Исмаилов катышты.

Шаардын борбордук аянтында өткөн иш-чара спортчулардын парады жана концерттик программа менен коштолду.

Мелдештер спорттун 10 түрү боюнча өткөрүлүп, анда өлкөнүн бардык аймактарынан келген жаш спортчулар күч сынашат. Оюндар 28-июнга чейин уланат.