Футбол-2026: Роналду Торонтодогу күйөрмандарын кубантты (видео)

Португалия курама командасынын капитаны Криштиану Роналду Торонто шаарындагы мейманкананын балконуна чыгып, жүздөгөн күйөрмандарын кубантты.

Мейманкананын алдына чогулган күйөрмандар Роналдунун ысымын кыйкырып, аны жылуу тосуп алышты. Өз кезегинде футбол жылдызы кол жаңсоолору менен аларды кубаттап, Португалия Дүйнө чемпиондугун жеңгендей эле таасир калтырды.

Ошондой эле Роналду Хорватияга каршы өткөн беттеш тууралуу кызыктуу билдирүү жасап, оюндун тагдырын пенальти чечерин алдын ала сезгенин айтты.

"Күндүз эле бул беттештин тагдырын пенальти чечет деген сезим болгон. Ошого жараша алдын ала даярдандык, анткени дал ушундай боло турганын ичимден сезгем", - деди португалиялык капитан.

Белгилей кетсек, футбол боюнча Дүйнө чемпиондугунун 1/16 финалында Португалия Хорватияны 2:1 эсебинде жеңип, 1/8 финалга жолдомо алды. Роналду оюнда пенальтини так аткарып, командасынын жеңишине чоң салым кошту. Эми португалиялыктар кийинки баскычта Испания менен беттешет.