Лука Модрич карьерасын жыйынтыктоо боюнча үн катты

Футбол боюнча Дүйнө чемпиондугунун 1/16 баскычында Хорватия Португалиядан 1:2 эсебинде жеңилгенден кийин курама команданын капитаны Лука Модрич карьерасын жыйынтыктоо тууралуу суроого жооп берди.

"Азыр менин келечегим тууралуу сүйлөшө турган учур эмес. Баарын жакын арада билесиңер", - деп билдирди Модрич чет элдик спорт басылмаларына.

40 жаштагы жарым коргоочунун "Милан" клубу менен келишими 2026-жылдын 30-июнунда аяктаган. Бирок клуб азырынча анын командадан кеткени, же келишимдин узартылганы тууралуу расмий билдирүү жасай элек.

Лука Модрич дүйнөлүк футболдун эң мыкты жарым коргоочуларынын бири катары белгилүү. Ал карьерасында Мадриддин "Реал", Англиянын "Тоттенхэм" жана Загребдин "Динамо" клубдарында ийгиликтүү ойногон.

Хорватиянын улуттук курамасы үчүн Модрич 202 беттеш өткөрүп, 29 гол киргизген. Анын карьерасын жыйынтыктоо боюнча акыркы чечими жакынкы күндөрү белгилүү болушу күтүлүүдө.