Кыргызстандын курама командасы “Maxima Master’s Eurasia” Кубогунда 34 медаль жеңди

2–5-июль күндөрү Москва шаарында өткөн “Maxima Master’s Eurasia” Кубогунун алкагында ат спортунун конкур түрү боюнча эл аралык мелдеш өттү. Бул тууралуу дене тарбия жана спорт мамлекеттик агенттигинен билдиришти.

Маалыматка ылайык, мелдеште спортчулар 60–150 сантиметр бийиктиктеги тоскоолдуктар коюлган маршруттарда күч сынашты. Жыйынтыгында Кыргызстандын курама командасы жалпы 34 медаль жеңип алды.

Кыргызстандын атынан катышкан 8 спортчу төмөнкүдөй жыйынтык көрсөттү:

* Ринат Галимов — 7 алтын, 1 күмүш, 2 коло (жалпы 10 медаль);
* Андрей Тряпицин — 2 алтын;
* Камиль Сабитов — 5 алтын, 4 күмүш;
* Анна Белюсенко — 2 алтын;
* Луиза Галимова — 3 алтын, 3 күмүш;
* Полина Потапова — 1 күмүш;
* Айзирек Кочкорова — 1 алтын, 1 коло;
* Богдан Стрельников — 1 алтын, 1 күмүш.