Конор Макгрегор америкалык мушкер менен беттеш өткөрөт (видео)

UFC уюмунун чемпиондору болгон Конор Макгрегор менен Макс Холлоуэй алдыдагы беттештин алдында өткөн маалымат жыйынында бири-бирине курч билдирүүлөрдү жасашты.

Холлоуэй Макгрегордун чемпиондук курларын тартып аларын айтса, Макгрегор атаандашы бул жолу да аны жеңе албасын жана аны оор сыноо күтүп турганын билдирди.

Эки мушкердин беттеши 12-июлга караган түнү АКШнын Лас-Вегас шаарында өтө турган UFC 329 турниринин башкы окуясы болот.

Эске салсак, Макгрегор менен Холлоуэй алгач 2013-жылы беттешип, анда ирландиялык мушкер калыстардын бир добуштан чыгарган чечими менен жеңишке жеткен.