Футбол-2026: Испания 16 жылдан кийин кайрадан Дүйнө чемпиондугунун финалында

Испаниянын улуттук курама командасы 2026-жылкы футбол боюнча Дүйнө чемпиондугунун жарым финалында Францияны 2:0 эсебинде жеңип, финалга жолдомо алды. Голдорду пенальтиден Микель Оярсабаль жана Педро Порро киргизишти.

Бул Испаниянын 2010-жылдан берки алгачкы Дүйнө чемпиондугунун финалына чыгышы. Ошол жылы команда тарыхында биринчи жолу дүйнө чемпиону болуп, финалда нидерланддыктарды Андрес Иньестанын кошумча убакыттагы голу менен 1:0 эсебинде уткан.

Эскерте кетсек, эми финалда Испания Англия менен Аргентинанын оюнунда жеңүүчү командага каршы ойнойт. Ал эми Франция үчүнчү орун үчүн жарым финалда жеңилген команда менен беттешет. Финал жана үчүнчү орун үчүн оюндар 19-июлда өтөт.