Мбаппе Дүйнө чемпиондугунда эң мыкты чабуулчу аталды

ФИФА 2026-жылкы Дүйнө чемпиондугунда оюнчулардын көрсөткүчтөрүнүн негизинде мыкты футболчулардын рейтингин жарыялады.

Чабуулдагы мыкты оюнчу деп Франция курамасынын футболчусу Килиан Мбаппе табылды. Ал турнирде 8 оюн өткөрүп, 10 гол киргизип, 9,12 упай менен рейтингдин сап башына чыкты.

Экинчи орунду Англиянын жарым коргоочусу Жуд Беллингем, үчүнчү орунду Аргентинанын жылдызы Лионель Месси ээледи. Месси 8 оюнда 8 гол киргизди.

Эскерте кетсек, футбол боюнча Дүйнө чемпиондугу Испаниянын жеңиши менен жыйынтыкталды. Оюндар АКШ, Мексика жана Канада өлкөлөрүндө өтүп, мелдешке тарыхта биринчи жолу 48 курама команда катышты.