“Реал” аргентиналык Энцо Фернандес боюнча чечим кабыл алды

Испаниянын “Реал” клубу аргентиналык жарым коргоочу Энцо Фернандести бул жайда сатып алуу планынан баш тартты. Бул тууралуу Sky Sports басылмасы жазды.

Маалыматка ылайык, акыркы айларда футболчунун “Реалга” өтүшү тууралуу көптөгөн кептер айтылганына карабастан, мадриддик клуб “Челси” менен сүйлөшүүлөрдү жүргүзбөй турган чечим кабыл алган. Клуб учурда башка трансфердик максаттарга көңүл бурууда.

Буга чейин да “Реал” Энцо Фернандеске кызыгып жатканы тууралуу маалыматтарды расмий түрдө четке каккан.

Ошентип, азырынча аргентиналык жарым коргоочу “Челсиде” калат. Анын келечеги боюнча кырдаал өзгөрмөйүнчө клубун алмаштырбай турганы айтылууда.