Жумшак оюнчук кичинекей лемурга апа болду

Бүгүн, 23-июлда чет өлкөлүк маалымат каражаттары Колумбиядагы зоопаркта болгон өзгөчө окуя тууралуу жазды. Анда төрөлгөндөн кийин энесиз калган кичинекей лемурга жумшак оюнчук маймыл "эне" болуп жатканы айтылат.

Лемур 18-июнда туулуп, болгону 70 грамм салмакта болгон. Анын энеси баласын кабыл албай койгондуктан, зоопарктын кызматкерлери ага кам көрө башташкан.

Адистердин айтымында, жаныбар адамга өтө көнүп калса, бул анын келечектеги жашоосуна терс таасирин тийгизиши мүмкүн. Ошондуктан ветеринарлар ага жумшак оюнчук маймылды берип, аны жасалма эне катары колдонуп жатышат.

Зоопарктын ветеринары Камило Мендоса негизги максат - лемурдун адам менен эмес, өзүнүн түрү менен байланышууга көнүшүн камсыз кылуу экенин белгилеген.

Белгилей кетсек, буга чейин Японияда Юдзи аттуу шимпанзе үчүн да жумшак оюнчук эненин ордун баскан. Ал оюнчукту апасындай көрүп, дайыма кучактап жүргөнү менен социалдык тармактарда белгилүү болгон.