Колумбияда оюн аренасынан чыгып кеткен бука көрүүчүлөрдү жарадар кылды (видео)

Колумбияда салттуу корралея учурунда бука оюн көрсөтүүчү аренадагы тосмодон секирип өтүп, көрүүчүлөрдү сүзүп, тебелеп кеткен.

Чет элдик басылмалардын маалыматтары боюнча, окуя 20-июлда Колумбиянын Эгемендүүлүк күнүнө арналган майрамдар өтүп жаткан Кастилья районунда болгон. Кеминде төрт адам оор жаракат алган.

Корралея - Колумбиянын бир нече аймактарында кеңири таралган салттуу фестиваль. Анын жүрүшүндө букалар убактылуу аренага коё берилет. Ал жерде аткаруучулар гана эмес, туруктуу коноктор да алар менен оюн кыла алышат.