Бишкекте унаасынан баңгизат табылган жаран кармалды (видео)

Бүгүн, 10-ноябрда Бишкек шаарынын Свердлов районунда синтетикалык баңгизаттарды катып сатууга шектелген жаран кармалды. Бул тууралуу шаардык милициянын басма сөз кызматы билдирди.

Маалыматка караганда, милиция кызматкерлери Жумабек көчөсүндө Kia K5 үлгүсүндөгү унааны токтоткон. Натыйжада баңгизат соодасына шектелип 2004-жылы туулган М.Ш аттуу жаран кармалып, унаасынан жалпы 98 грамм баңгизат табылып алынды.

Аталган факт боюнча Кылмыш жаза кодексинин 282-беренеси менен кылмыш иши козголду. Шектүү убактылуу кармоочу жайга киргизилип, тергөө иштери уланып жатканы маалым болду.