Сен үчүн жазга айланып,
Сендикке көнүп алдым.
Жылытчы мээримиңе,
Жашоомду байлап салдың.

Кайырма:
Мен сенсиз жашай албайм,
Башканы карай албайм.
Жүрөгүң ачып мага,
Сүйүүңдү чаччы кайра.

Өмүрдүн баары сенсиң,
Жүрөккө дары сенсиң,
Маликам, түбөлүгүм,
Бактыма өзүң теңсиң.

Кайырма:

Ар үйдө аксакалдуу кары болсо,
Балпайган байбичеси дагы болсо.
Баласы баар таап эмгегинен,
Жанында жаркылдаган жары болсо.

Чоң ата бардыгына калыс болсо,
Чоң эне суук сөздөн алыс болсо.
Келини кербезденип бой көтөрбөй,
Уулунда уят менен намыс болсо.

Жакшылык эсеби жок эчен болсо,
Жоогазын өмүр сүрүп эсен болсо.
Береке, ырыс тилеп ар бир үйгө,
Элибиз ынтымактуу элден болсо.
Уулунда уят менен намыс болсо,
Кыргызым ынтымактуу элден болсо.

Талабы эмнеде сүйүүнүн?
Таштадың неге, гүлүмдү?
Жообун бербе, кайра келбе,
Эстегенде, кайрылба, жүрөк эзбе.

Кайырма:
Сен, эми...
Унуткун мени, узатам сени,
Уйкусуз түнгө калбайм.
Алыстык сездим, арман дебеймин,
Кайра сага кайрылбайм.

Карабайм мен да, артыма,
Караба сен да, жалынба!
Каалайм ак жол, сен аман бол,
Болбо тоскоол, айтарым сага ошол.

Кайырма:
Сен, эми...
Унуткун мени, узатам сени,
Уйкусуз түнгө калбайм.
Алыстык сездим, арман дебеймин,
Кайра сага кайрылбайм.

Жүрөгүмдө жашайт бир сендей,
Кыялданам сагына...
Жашасам дейм бакыт издебей,
Сен болсоң жанымда.
Жүрөгүмдө жашап сен,
Кусалыкка калтырба мени, сезбей сен.
Жүрөк ээсин атап мен,
Көкөлөтүп алдымбы сени, жалгызым сен.

Кайырма:
Кыялымда жашайсың, ойду ээледиң,
Каректерим жашырбайт, аны сезбедиң.
Куса болуп сөз айтсам жообун бербедиң,
Күндө келчү жерге сен, неге келбедиң.

Багындырып жүрөк бир сендей,
Жашайт анда миң жылга.
Сүрөтүңдү калам тиктебей,
Сен жүрсөң жанымда,
Жүрөгүмдө жашап сен,
Кусалыкка калтырба мени, сезбей сен.
Жүрөк ээсин атап мен,
Көкөлөтүп алдымбы сени, жалгызым сен.

Кайырма:

Тийишкенде сөзү көп, кудуксуңар жигиттер,
Сүйгөн кыздын алдында, дудуксуңар жигиттер.
Доого түшүп калгандай жалгыз жүрсө сөзү жок,
Достор болсо жанында куудулсуңар жигиттер.

Кайырма:
Тамаша, бул тамаша,
Чындыгына жараша.
Таарынганга себеп жок,
Турмуш өзү тараза.

Сүйлөп тоону томкоруп, коймок болгон жигиттер,
Ишке келсе жалтаңдап ойнок болгон жигиттер.
Жети кадам алыстап калса сүйгөн кызынан,
Бүт баардыгын унутуп бойдок болгон жигиттер.

Жактырдым сизди мугалим эже,
Көргөнү келем сизди мектепке.
Жашым жетпейт сизге сүйүү арноого,
Ай, билбейм эжеке, кантип айтам сүйүүмдү сизге?

Кайырма:
Мугалим эжекем ай, мугалим,
Алайын өзүңүздөн мен билим.
Дептериме жазайын мен сыялап,
Жүрөгүңүздө турайын мен уялап, эжеке...

Айырмаңыз жок экен го кызыл гүлдөн,
Суктанам го ууртуңузга сиздин күлгөн.
Сиздин берген сабагыңыз - сүйүү сабак,
Ай, кыялданам эжеке, жалгыз жигит мен сизди сүйгөн.

Жүрөсүңөр жашап-иштеп алыста,
Чоло тийбейт ай өткөрбөй барышка.
Ак эмгекти акташ үчүн кызыңар,
Билим үчүн түшкөн узак жарышка.

Ойлоорсуңар санаа тартып, кайгырып,
Садагалап, караанымдан кагылып.
Силер мени самагандай жол карап,
Мен да жүрөм өзүңөрдү сагынып.

Силер анда, мен күнчөлүк алысмын,
Заманамдан калбай келет жарышкым.
Алпештеген апам менен атакем,
Экөөңөргө өмүр бою карызмын,
Өзүңөргө өмүр бою карызмын.

Бул дүйнөм, бул өмүрүм сени менен го,
Ырысым, ырыскым да сени менен го.
Күлкүсү балдарымдын сени менен го,
Бактылуу көз ирмемдер сени менен го.

Кайырма:
Ак сүйүү менен алганым, жубайым сен,
Ак тилек менен убайым тартарым сен.
Ак үйүмдүн күнү, Кудай кошкон айым сен,
Ооруба ылайым, күлүп жүрчү дайым,
Сүйгөнүм, жубайым сен.

Жашаймын күлүп турган көздөрүӊ менен,
Жашаймын сүйөм деген, сөздөрүӊ менен.
Жадабай миӊ ырахмат айтсам да аз го,
Жараткан сүйүү менен өзүңдү берген.

Кайырма:
Ак сүйүү менен алганым, жубайым сен,
Ак тилек менен убайым тартарым сен.
Ак үйүмдүн күнү, Кудай кошкон айым сен,
Ооруба ылайым, күлүп жүрчү дайым,
Сүйгөнүм, жубайым сен.

Күндөрү жаштыгымдын сени менен го,
Жашоонун жакшылыгы сени менен го.
Бактысы балдарымдын сени менен го,
Бул дүйнө, бул өмүрүм сени менен го.

Кайырма:

Мен жалгыз, жалгыз, сезимдер алсыз,
Сагынуудан башка таппаймын айла,
Жолуккан күндөр, жомоктой түндөр
Кайда, кайда?

Кайырма:
Мейли, мейли жүрөгүмдү жылытпай,
Мейли, мейли учуп кетсең булуттай.
Бийик коюп сүйүүнү намысымдан,
Бир өзүңдү сүйөмүн унутпай.

Эңсетип жанды, эсиңде барбы,
Эгиздердей чогу тосчубуз таңды.
Тунук махабат, жүрөк жаралап,
Кайда калды?

Кайырма: