Бейтааныш бир сулууну,
Бир көрүп сүйүп калдым.
Айта албай сезимимди,
От болуп күйүп-жандым.

Кайырма:
Кыйнала беремин, кыйнала,
Сүйүүмдү айта албай сунулган.
Күн сайын издеп келе берем
Гүлүмдү сунууга.
Уурдана караймын, уурдана,
Жүрөктөн сүйөмүн жөн гана.
Канткенде сүйүүмдү айта алам,
Айдай бир сулууга.

Канчалык сүйгөн менен,
Айта албай жүрөм бирок,
Өрт болуп күйгөн менен,
Сүйүүгө алсыз жүрөк.

Кайырма:

Сизге сыйым, сизге урматым,
Үмүтүм да сизде, кымбатым.
Жан адамга айтпас сырымды,
Сизге ыраа көрүп ырдадым.

Кайырма:
Сизге арнадым ушул түнүмдү,
Түнүм эмес, күндүз күнүмдү.
Тагдырымдын буйругу экен,
Сизге багыштадым сүйүүмдү.

Табыштадым сизге баарысын,
Сиз таптыңыз жүрөк дарысын.
Сизге буйруп менин бактымды,
Сөздөрүмдүн кызыр дарысын.

Кайырма:

Ачуу белең, жашоо чындыгы?
Сабырымды сезим кыйдыбы?
Экиленбей эркимди бердим,
Ашыктыгым мажбур кылдыбы?

Кайырма:

Сагындым сени кусага толуп,
Өзүңсүз жашоом кызыксыз болуп.
Элесиң калды көз алдымда,
Унута албай, өзүмду алдайм.

Кайырма:
Арман батпай, сүйүүмдү таппай,
Көңүлгө калды жалгыздык жакпай.
Кетпечи мени азапка таштап,
Жүрөгүм ыйлайт, сыздады какшап.

Жашоодо тунук махабатымсың,
Ар күнү эстеп сагынарымсын.
Кыйа албай сени түн кечиремин,
Жыл өтсө дагы бир сени дедим.

Жаштык алып учат, жылдар барат узап,
Эркин, эркин шамалдай.
Мени, жанды тушап, мезгил баарын утат,
Анан калам таба албай.

Кайырма:
Эх, кайда бала курагым,
Бал татыган убагым,
Сени издеп турамын.
Эй, убакыт, суранамын, ашыкпачы,
Эч кетпесин жанымдан жаштык жазы.

Ай-күн өтсө бат-бат арты туман каптап,
Аздан кетет го уурдалып.
Алтын кез деп сактап, атың ойдо жатат,
Ичтен жанат бир жарык.

Кайырма:

Заманыбыз бузулгандай туюлат.
Жаштар жүрөт көчө тентип аралап.
Кыргыз элим намыскөйлүү калк келген,
Таштагыла, жакшы жолго алып барбайт.
Кыйын кезде кырылбаган кыргызым,
Башын ийип чөгөлөбөй көп кылым,
Алдырбастан эч бир жанга намысты,
Сактап келген Ата Мекен кыргызым.

Кайырма:
Байлык, бийлик азгырат го жолуңдан,
Кыргыз элим, адашпагын жолуңдан.
Ынтымактуу болуп элим жашайлы,
Заманыма ыйман бергин, Жараткан.
Жараткандан жалыналы, сурайлы,
Элибизге берсин тынчтык, ыйманды.
Бирибизди тонобойлу, кыргызым,
Ортобузда ынтымак, күч орносун.

Байлык десе адашабыз түз жолдон,
Пулун берип чоң жумушка орношкон.
Жок болсо дейм ошондойлор арадан,
Оңолот го кыргыз элим, оо, качан?
Кыргыз деген атыбыз эч өчпөсүн,
Кылымдарга жаша, эрип чөкпөгүн.
Ата Мекен жалгыз бирөө, экөө эмес,
Ырыскыңды, кыргыз элим, төкпөгүн.

Кайырма:

Алгачкы ак сүйүүм,
Алгачкы тун сүйүүм,
Алгачкы сүйүктүүм,
Элесиңден сүйкүм.

Ал, ал менин алгач сүйүүм, ал,
Ал дагы эле турат күйүп, ал,
Ал эми күнү-түнү элесиңди сүйгөм,
Ал махабатым, ак сүйүүм ал,
Кайталангыстай бүгүн ал,
Эми элес гана эсимдеги,
Жанымда эмессиң, бирок унута албайм сени.

Өмүрүмдү келет сени менен сүргүм,
Сени менен гана менин алгач сүйүүм.
Өмүрүмдү келет сени менен сүргүм,
Алгачкы махабатым, аппак сүйүүм.

Ал менин алгачкы ак сүйүүм,
Алгачкы тун сүйүүм,
Алмашкыс сүйүктүүм,
Элесиңден сүйкүм...

Жөнөкөйлүгү сөзүнөн көрүнүп турат,
Көзүнөн, жүзүнөн жылдыз учуп тартып турат өзүнө,
Кыялы өзгөчө ар бир адамга жагымдуу,
Алгачкы сүйүүм, сени эстен келбейт өчүргүм.
Мен сени сүйгөм, бирок айта алчу эмесмин,
Убакыт өттү бир топ, эми жалгыз эмессиң.
Бирок менин жүрөгүмдө болосуң түбөлүк,
Түбөлүк сүйүүм сага арналат, сүйгөнүм.

Жаным, сени мен эч качан унута албайм, унута албаймын сени
Унута албай кыйналам бир гана өзүңдү мен.

Алгачкы ак сүйүүм,
Алгачкы тун сүйүүм,
Алмашкыс сүйүктүүм,
Элесиңден сүйкүм.

Көз алдымда турасың эстен кетпей,
Дагы эле издейм сени же издемиш боломбу калп эле?
Билем бирок мен сенин кайда экениңди,
Айта турган сөзүмдү айта албаймын эми.

Жүрөгүмдү сактаганмын сен үчүн, сүйүүмдү, сүйгөнүм,
Сага сүйөрүмдү кандай айтышты билбедим, билбедим,
Жүрөгүңдү сен да арнаган элең башка бир адамга.

Кайырма:
Кыялымдан кетпес,
Кайра кайтып келбес махабатым.
Мейли жалгыз калсам,
Мейли бактың тапсаң,
Сенин бактың - менин бактым.

Жашап келем сага сагынганымды айта албай,
Арман болуп калган арзууларыма жете албай,
Жүрөгүңдү сен да арнаган элең башка бир адамга.

Кайырма:

Актай кагаз алганмын,
Ак кайык жасаганмын,
"Окуучулук өмүрүм" деп жазганмын.
Аккан сууга салганмын,
Көпкө чуркап барганмын,
Узаганча кол булгалап турганмын.

Кайырма:

Агып кеткен окуучулук кайыгым,
Эми издеп таппай калдым дайынын.
Yнсүз тиктеп тоонун булагын,
Өткөндү эстеп бүгүн турамын,
Аттиң, менин ошол бала курагым.

Он жыл бирге туздашып,
Классташым, курдашым,
Аман болгун, тагдыр кайда бурбасын.
Акыл айтчу ар дайым,
Эжелерим, агайым,
Кеч болсо да рахматым айтайын.

Кайырма:

Элестетип күндөр, бирге жүргөн түндөр,
Куса болуп эске алам бүгүн.
Каздар учкан көлдөр, кереметтүү жерлер,
Өзгөрбөптүр баарын көргөнмүн.

Кайырма:
Биз асманга карап, жылдыздарды санап,
Жүрчү элек го алыс күндөрдү самап,
Бара берем деймин, алыс болсо мейли,
Аман жүрсүн досторум деймин.

Көп ойлоном күндө, уктай албай түндө,
Бакыт-дөөлөт баары болсо дейм.
Элге кубат досу, эмгек-өмүр тоосу,
Кыйындыктан коркпоюн дейм.

Кайырма:

Кулпурсачы талаа, кулпурсачы калаа,
Гүл бакчада куштар сайрасын.
Эңсеп айткан тилек, сезимдер да түнүк,
Армандардан көңүл калбасын.

Кайырма:

Көктөмдө күнүм деп, cагындым бүгүн деп,
Жаштыкта жолугуп жыргал сүрөлү.
Бар өмүрүм менин белек кылса мейли,
Аман жүрсүн досторум деймин.

Кыялда кылымдап издегем,
Түйшүктүү түбү жок из менен.
Капыстан жолуктук, сырдаштык,
Жолубуз кайчы эмес, түз беле?

Кайырма:
Сен дагы мени издеп шаштыңбы?
Түбү жок санаага баттыңбы?
Шам болуп жагылчы, жыргалым,
Чын эле мен сени таптымбы?

Сүйлөсөң сүйүнө караймын,
Салаалап чачымды тараймын.
Күлмүңдөп көздөрүң от чачса,
Кайра эле күлкүңдү самаймын.

Кайырма:

Кара көз сулуу, ажайып нурдуу,
Татынакай биздин кыздар, ай.
Арбап алышат, ойго салышат,
Назданышкан назик кыздар, ай.

Кайырма:
Кыздар, ай, кыздар, ай,
Кыздар, ай, кыздар, ай,
Татынакай биздин кыздар, ай.
Кыздар, ай, кыздар, ай,
Кыздар, ай, кыздар, ай,
Кылыктанган, сүрдүү кыздар, ай.

Ачылган гүлдөй, асманда күндөй,
Ай чырайлуу, сулуу кыздар, ай.
Жүрөк эриткен, көңүл сергиткен,
Кылыктанган, сырдуу кыздар, ай.

Карек толуп, ата-энең толкуп кубанат,
Келген элең сен жарыкка бүгүн ыңаалап.
Көңүл сүйгөн сайран, достор менен майрам,
Ар жыл сайын, ай, уланат.
Кучак толо гүлдөр, жылмайышкан жүздөр,
Туулган күн шаңга бөлөнөт.

Кайырма:
Бүгүн, бүгүн, бүгүн
Сенин туулган күнүң.
Амандыкты тилейли,
Ден соолукта жүргүн.
Ачылсын ар дайым
Жаштык өмүр гүлүң,
Бактың, сүйүүң.
Бүгүн, бүгүн, бүгүн
Сенин туулган күнүң.
Ата-эне бир тууганга,
Алтын башты ийгин.
Жашоонун кадырын
Узак жашап билгин,
Ойноп-күлгүн.

Жаркын маанай, дасторкон үстүн саймалап,
Жакындарың кымбат белек алып камданат.
Коноктор топтолуп, ыр-бийлер коштолуп,
Куттук сөздөр, ай, арналат.
Эч нерсе жетпеген, эсиңден кетпеген
Эх, кандай сонун салтанат, эй.

Кайырма:

Жылмайып күлсөң жарашкан,
Жан биргем мени карасаң.
Жагамбы сага жагамбы,
Жактырып койчу жанашсам.

Көңүлүм бурдуң көйкөлүп,
Көздөрүм сени саматкан,
Көңүлдү тартып өзүңө,
Көйгөйүм болбо садагам.

Кайырма:
Арбалдым сага,
Сага деген сезимим таза,
Азапка салба,
Эки жүрөк табышса гана.

Башкалар мендей барктабайт,
Баркыңды билбейт, баалабайт.
Бактылуу кылар мен болом,
Байралып мага жандасаң,
Алдабайм сени алдабайм,
Ак сүйүүм арнайм каражан,
Апакай сүйүү таптаза,
Ак сүйүүң мага арнасаң.

Кайырма:
Жарыгым арбалдым сага,
Сага деген сезимим таза,
Азапка салба,
Эки жүрөк табышса гана.