"Коронавирустун жеңил түрү дагы барбы?". Министрдин жообу

Япониядагы круиздик лайнериндеги Кыргыз жараны коронавирус жуктургандыгы тууралуу жыйын учурунда тышкы иштер министринин орун басары Нурлан Абдрахманов билдирген. Ал лайнердеги Кыргыз жараны тапшырган тесттен коронавирус аныкталганын жана ал коронавирустун жеңил түрү экенин айткан болчу.

SUPER.KG порталынын "Коронавирустун жеңил түрү дагы болобу?" деген суроосуна саламаттыкты сактоо министри Космосбек Чолпонбаев төмөнкүдөй жооп узатты. Айтымында, коронавирус менен жабыркагандардын 80 пайызы вирустун жеңил түрүн жуктурган.

"Маалымат боюнча, ооругандардын 80 пайызы коронавирустун жеңил түрүн жуктургандар. Ал эми 13-14 пайызы вирустун оор түрү жана 4,7 пайызы өтө оор түрү менен катталган. Ошондуктан коронавирустун аталган үч баскычтагы түрү кездешүүдө”, - деди Чолпонбаев.