Трамп менен Германиянын канцлери телефон аркылуу сүйлөштү

Германиянын канцлери Фридрих Мерц АКШнын президенти Дональд Трамп менен телефон аркылуу сүйлөшүүлөрдү өткөрдү. Бул тууралуу Мерц X социалдык тармагына жарыялаган.

Мерц анда Германиянын Ормуз кысыгын ачуу жана Ирандын өзөктүк куралга ээ болушуна жол бербөө боюнча демилгелерди колдой турганын белгиледи.

"Тегеран дароо сүйлөшүүгө кайтып келиши керек. Ал Ормуз кысыгын ачууга тийиш. Өлкөнүн өзөктүк куралга ээ болушуна жол берилбеши керек", - деп жазды канцлер.

Ошондой эле ал АКШ лидери менен Орусия–Украина ортосундагы жаңжалды тынчтык жолу менен жөнгө салуу маселесин талкуулаганын жана тараптар Анкарада өтө турган НАТО саммитинин алдында позицияларын макулдашканын белгиледи.