АКШ Украинадагы жаңжалдын күчөп кетүү коркунучун көрүүдө

АКШнын мамлекеттик катчысы Марко Рубио Украинадагы жаңжалдын мындан ары күчөп кетүү коркунучу бар экенин билдирди. Бул тууралуу чет элдик басылмалар жазышты.

Анын айтымында, соңку мезгилде тараптардын бири-биринин аймагына терең соккуларды жасай баштаганы кырдаалдын курчушуна алып келиши мүмкүн.

Рубио АКШ Конгрессинин Өкүлдөр палатасында сүйлөп жатып, Вашингтон жаңжал боюнча учурдагы абалды туңгуюкка кептелген кырдаал катары баалап жатканын айтты. Ал жаңжалдын чечилиши боюнча олуттуу жылыштар байкалбай жатканын белгиледи.

Мамлекеттик катчынын билдирүүсүнө ылайык, АКШ Украинадагы согуштун мындан ары кеңейип кетишинен жана чыңалуунун жаңы деңгээлге чыгышынан кооптонууда.