Футбол боюнча Дүйнө чемпиондугунун ачылыш аземинен ирмемдер

Футбол боюнча Дүйнө чемпиондугу башталды. Бул чемпиондук тарыхтагы эң масштабдуу биринчилик болуп, алгачкы жолу үч өлкө АКШ, Мексика жана Канада биргелешип өткөрүүдө. Ачылыш аземи Мексиканын борбору Мехико шаарындагы "Ацтека" стадионунда болду.

Аземде мексикалык-америкалык актриса Сальма Хайек ачылыш сөзүн сүйлөдү. Болжол менен 87 миң 500 көрүүчүнү батырган "Ацтека" тарыхта үчүнчү жолу Дүйнө чемпиондугунун ачылыш беттешин өткөргөн биринчи стадион болуп калды. Аренада 1970 жана 1986-жылдары да өткөн.

Музыкалык шоудо төртүнчү жолу Дүйнөлүк кубокко катышып жаткан колумбиялык ырчы Шакира жана нигериялык ырчы Бурна Бой 2026-жылдагы Дүйнө чемпиондугун расмий гимни "Dai Dai" ырын аткарышты.

Previous Next

Ачылыш аземи үч күнгө созулат. Экинчи бөлүгү 12-июнда Канаданын Торонто шаарындагы "БМО Филд" стадионунда, ал эми үчүнчү бөлүгү 13-июнда АКШнын Лос-Анжелес шаарындагы "Соу‑Фай" стадионунда өтөт.