Трамп Ормуз кысыгы жакында ачылат деп убада берди

АКШнын президенти Дональд Трамп Тегеран жакында Ормуз кысыгын ачарын, болбосо Америка аскерлери Иранга абдан катуу сокку урарын билдирди.

"Кысык жакында ачылат, болбосо аларга абдан катуу сокку урулат. Андан кийин кысык ачылат",- деди Трамп Fox News телеканалына берген маегинде.

АКШнын президенти Иран келишимге жетүүнү каалай турганын айткан.

"Биз абдан жакшы талкууларды жүргүзүп жатабыз. Алар муну моюнга алгысы келбейт",- деди Трамп.

Америкалык лидер Тегеран менен сүйлөшүүлөргө жетиштүү убактысы бар экенин кошумчалаган.