Бишкекте кыргыз киносунун 85 жылдыгы белгиленди (видео)
Кечээ, 17-ноябрда Бишкек шаарында кыргыз киносунун түптөлгөндүгүнүн 85 жылдыгына арналган салтанаттуу иш-чара өттү. Бул тууралуу Маданият, маалымат жана жаштар саясаты министрлиги билдирди.
Маалыматка ылайык, салтанатка мамлекеттик катчы Арслан Койчиев, Жогорку Кеңештин депутаты Болот Сагынаев, маданият министринин орун басары Айбек Дайырбеков, кино тармагынын ардагерлери жана маданият өкүлдөрү катышты. Иш-чаранын жүрүшүндө кыргыз кино өнөрүнүн өнүгүшүнө салым кошкон бир катар кино ишмерлери сыйланып, улуттук кинематографиянын тарыхы жана жетишкендиктери эскерилди.
"Белгилей кетсек, маараке кыргыз киносуна эмгек сиңирген инсандарды даңазалоого, муундар арасындагы чыгармачылык байланышты бекемдөөгө жана улуттук кино өнөрүнүн келечегине дем берүүгө багытталды",- деп кошумчаланды маалыматта.
Бишкекте кыргыз киносунун 85 жылдыгы белгиленди
0

Супер-Инфо
super.kg видео
















