|
|
Warning: ksort() expects parameter 1 to be array, boolean given in /var/www/super.kg/superstan/admin_secret/sources/classes/output/publicOutput.php on line 384
Warning: Invalid argument supplied for foreach() in /var/www/super.kg/superstan/admin_secret/sources/classes/output/publicOutput.php on line 387
Жаштыктын жазы болуп, Гүлбаржаным,
Бир сенден күн нур болуп жалындадым,
Нөшөрлүү ыр кайрыгым өзүң болуп,
Махабат күүсүн термеп кумарландым, Гүлбаржаным.
Кайырма:
Гүлбаржаным, Гүлбаржаным,
Гүлбаржаным, Гүлбаржаным,
Гүлбаржаным, Гүлбаржаным,
Гүлбаржаным, Гүлбаржаным.
Көздөрүң балбыл жанып, чексиз сүйкүм,
Сөз козгоп, ойлор сызды нечен түркүн.
Ак пери калтар чачың улам тарап,
Сезимге күүлөр төктү сенин күлкүң, Гүлбаржаным.
Кайырма:
Жаш сулуу, жаркын жүздүү, Гүлбаржаным,
Эстесем, элес келет эмгек жалын,
Жайнатып жаз өмүрдү жаштык чакта
Жашоомдо өзүң болдуң өмүр таңым, Гүлбаржаным!
Кайырма:
Обону : Ж.Сыдыковдуку
Алтын казык жылдызым,
Жанып турчу мага дайыма.
Өмүр бою бир гана
Келдим эле сенин жаныңа.
Мөлтүр булак күлкүнү
Сенден гана назик угамын.
Ууз сүйүүм арнаган
Өзүң болбо жалгыз тумарым.
Бирге согуп кош жүрөк,
Дайым турсун катар үндөшүп.
Жоодураган көздөр
Маңдай-тескей үнсүз сүйлөшүп,
Жаркын максат ак сүйүү
Сенден гана келди агылып.
Чиркин, жаштык эркиңе,
Билбей калдым, турам багынып.
Алтын казык жылдызым,
Жанып турчу мага дайыма.
Өмүр бою бир гана
Келдим эле сенин жаныңа.
Мөлтүр булак күлкүнү
Сенден гана назик угамын.
Ууз сүйүүм арнаган
Өзүң болбо жалгыз тумарым.
Ай, бийкем,
Ах, бийкем,
Ууз сүйүүм арнаган
Өзүң болбо жалгыз тумарым.
Сөзү : О.Шакирдики
Обону : Т.Колдошовдуку
Мейли, Теңир Жерди Көктөн айрысын,
Мени сенден неге бөлдү? Кайгы ушул.
Атай болуп кетпесем да боздогон,
Көөдөнүмдө «Күйдүм чоктун» кайруусу.
Тагдыр жандан ажыратып таштаган,
Болсоң дагы Мөлмөлүмдөн башка жан.
Барпы акындай сен жөнүндө мен дагы,
Арзуум айтып какшаганым, какшаган.
Тагдырыбыз тагдырындай нечендин,
Булбулуңдай безенгеним бекерби?
Үкөйүмдү боздогондой Боогачы,
Арзуу ырын ырдап өтүп кетемби?
Айланткандай дартызарга неченди,
Байлап бирге тагдырымды, көчөңдү.
Алмашым деп сыздагандай Ырысбай,
Аттиң мен да арман кылып өтөмбү?
Чолпонум деп боздогондой Жолболду,
Аттиң мен да арман кылып өтөмбү?
Бүтүмү жок чечимдерим чечилбей
Кыял күйүп, үмүткө күн үшүгөн
Жүрөк сыздап, жүлүндөрүм зыркырап,
Көзүм тоюп сүйүп калдым мен ичимден.
Балким алдоо көкүрөктүн багытын
Көзгө каткан каректеги сагынычым
Арзуу тилеп араң жүргөн жан элем
Уулуу дарттан келип жүрөт айыккым.
Соорото албай өбөт төбө буркурап,
Ысымы жок жаздым сенден ыр курап.
Ай-ааламдан кайып болуп келгендей,
Дайынын таппай турам неге тунжурап.
Бүтүмү жок чечимдерим чечилбей
Кыял күйүп, үмүткө күн үшүгөн
Жүрөк сыздап, жүлүндөрүм зыркырап,
Көзүм тоюп сүйүп калдым мен ичимден.
Көзүм тоюп сүйүп калдым мен ичимден.
Сүйүп калган кишим сен
Сөзү : Г.Шакированыкы
Обону : М.Осмоновдуку
Саматып издериң болгон жакшы,
Сагынган кучагың толгон жакшы.
Бактысыз турмушка басынганча,
Баалаган жанга жар болгон жакшы.
Кайырма:
Жакшылык бактыга жетелетет,
Жаштыкка өмүрдү тетелетет.
Жакшыдан жан дүйнөң азыктанып,
Кусалуу көңүлдү көкөлөтөт,
Кусалуу көңүлдү, армандуу өмүрдү көкөлөтөт.
Сүйдүрүп издээриң болгон жакшы,
Сүйүүнүн суугуна тоңгон жакшы.
Сүйбөгөн бирөөгө кор болгончо,
Жакшыга жанашкан жолдор жакшы.
Кайырма:
Сырдашар курдашың болгон жакшы,
Сыйлашып кармашкан колдор жакшы.
Билбеске бирикпей кор болгончо,
Билгендин бийиги болгон жакшы.
Кайырма:
Мезгил тынбай жылган сайын күнүгө,
Мен суктанам ар бир өткөн күнүмө.
Анткендиги айланчыктайт жаштыгым,
Ал кездеги сунган кызыл гүлүңө.
Кайырма:
Кызыл гүлдү сенин көзүң тандаган,
Кызыл гүлдү сенин колуң кармаган.
Ага коштуң жаштык сүйүү жалынын,
Мен да сага жаштыгымды арнагам.
Гүл кучактап гүл балтырга чалынып,
Турар элек көзгө көздөр чагылып.
Күндөр келсе, жылдар келсе жаңырып,
Жүрөк эңсейт ошол күндү сагынып.
Кайырма:
Мезгил тынбай жылган сайын күнүгө,
Мен суктанам ар бир өткөн күнүмө.
Анткендиги айланчыктайт жаштыгым,
Ал кездеги сунган кызыл гүлүңө.
Обону : Т.Казаковдуку
Себеленип ойлордун жумшак жамгыры,
Салкын тартып карааның менден узады.
Кетпе алыска, кетпе менин жаштыгым,
Тумчуктурба агызып шаарын ызанын.
Кайырма:
Жылт эткен жылдыздын үзүгүндөй,
Сен кайда кеткенсиң, асылкечим?
Жүрөктө толукшуп сүйүү жазы,
Сен качан келесиң, асылкечим?
Тереңдеген балбылдап сезим бермети,
Ыйык ойлор шыбырын сенден жашырат.
Күнгө умтулган биздеги жаштык өмүргө,
Аппак жаандай тилектер жаап басылар.
Кайырма:
Себеленип ойлордун жумшак жамгыры,
Салкын тартып карааның менден узады.
Кетпе алыска, кетпе менин жаштыгым,
Тумчуктурба агызып шаарын ызанын.
Кайырма:
Сөзү : Жыпара Умарованыкы
Обону : Т.Колдошовдуку
Сагындыңбы?.. Мен да сагындым…
Кусалуу бир күнгө кабылдым.
Буйругу жок ушул тагдырга,
Таарындыңбы?.. Мен да таарындым…
Кайырма:
Жолугушуу болду арманым,
Жолукпайбыз эми ардагым.
Жолду карап эми издебе,
Жалгыз аяк жолдо калгамын.
Кыйналдыңбы?.. Мен да кыйналдым…
Мүдүрүлдүм бирок сынбадым.
Жүрөгүңдү эзип жалгыздык,
Унуттуңбу?.. Унуталбадым…
Кайырма:
Ыйладыңбы?.. Мен да ыйладым…
Өзүмдү-өзүм алдап кыйнадым.
Жанга баткан жалгыздык ырын,
Ырдадыңбы?.. Мен да ырдадым…
Кайырма:
Ардагым, сени дайым көңүлүмдө
Аяймын, кайда жүрсөм ала жүрөм.
Түн элем жарык чачтың өмүрүмө,
Эми мен ачык үндөй ачык күлөм.
Кайырма:
Бүркөлбө, эркетайым, мени аясаң,
Күн түшөт кайра менин кабагыма.
Башкага же кучагым жая албасам,
Бара албай турган куштай түнөгүнө.
Кайгы-муңу уча качкан канаттуудай,
Кетишкен сен жаныма келген кезде.
Сеземин мен өзүмдү агын суудай,
Сени эстеп элесиңди тартсам көзгө.
Кайырма:
Мен жолоочу турмуштан ыр караган
Мен сүйүүнү кубаттап ырдан алгам
А сен болсо кара көз бир сулуусуң
Иреңи серт мендейди эч ылгабаган
Ылгабаган, чанбаган, тандабаган
Мүнөзүң ай ушул сен кандай адам
Бул жашоодо бир гана мага арналган
Ак сүйүүңдү канткенде мен актай алам
Аңкып жытың алыстан гүл жыттанат
Алдап кара көздөрүң ала качат
Асмандагы ай менен сүйлөшкөнсүп
Махабаттын нурларын сага чачат
А сен болсо кара көз бир сулуусуң
Жоодураган көздөрүң, жоодураган
Сөзү : Мелис Маматжановдуку
Обону : Т.Колдошовдуку
Токто өмүр, токто, кайда шашасың,
Топук кылчы, бул жолду да басасың.
Жүгөнүңдү тартып турчу азыраак,
Жок дегенде апам узак жашасын.
Өмүр өзүң тосмосу жок кашаасың,
Өргө карай канча белди ашасың.
Жип-аркандап тушап турчу туягың,
Жок дегенде атам узак жашасын.
Ээктен ылдый кулап түшкөн жаш таза,
Эх, балалык, өттүң менден таптаза.
Мейман болуп өтөрүмө өкүнбөйм,
Менин ырым менден узак жашаса.
Жүрөккө сактап тумардай,
Жүрөмүн эстен чыгарбай.
Балалык таза сүйүүмдү,
Дагы эле турам кыя албай.
Сагынткан сезим санаамдай,
Саргайып келем таба албай
Коногу болуп өмүрдүн,
Колумдан учту кармалбай.
Кайырма:
Бир гана өзүң деген,
Билинбей дирилдеген,
Биринчи сүйүүмдү мен кыйбаймын,
Балалык сүйүүм анан,
Алыстап сенден барам
Кайрылбай кеткен сени кыйбаймын
Көзүмдөн учуп карааның,
Көңүлдүн отун жагамын.
Алгачкы сүйүүм сагынткан,
Айтчы эми кайдан табамын
Өмүрдө болот жаңылуу,
Өлчөөсү чексиз кайгыруу.
Жолуңдан канча күтсөм да,
Жолугуу арты айрылуу
Кайырма:
Сөзү : М.Алыбаевдики
Обону : М.Алыбаевдики
Алма сунсам колуӊа,
Колума, колума,
Албай аны койдуӊ да,
Койдум да, койдум да,
Жоолук салсам мойнуӊа,
Мойнума, мойнума.
Салбай аны койдуӊ да.
Койдум да, койдум да.
Кайырма:
Мунун баары тамаша,
Ия, яя, кандайча?
Бир басалы жанаша,
Жанаша, жанаша.
Алышып ойноп жүрөлү,
Жүрөлү, жүрөлү
Алты жашар балача,
Балача, балача.
Билемин сенин оюӊду,
Кармасам дейм колуӊду.
Колумду, колумду,
Күтөм, күтөм зарыгып,
Карай берем жолуӊду.
Кайырма:
Мунун баары тамаша,
Ия, яя, кандайча?
Бир басалы жанаша,
Жанаша, жанаша.
Алышып ойноп жүрөлү,
Жүрөлү, жүрөлү,
Алты жашар балача,
Балача, балача.
Көп жылдар акты, дайрадай түтөп,
Көрбөстөн сени, кусалык күчөп.
Тагдырым болбой, кай жакта калдыӊ?
Ууздай дүйнө эсиме түшөт.
Кайдасыӊ менин, көк толкун бактым?
Кулагыма үнүӊ угулат.
Жаштыгым алдыӊ, өзөккө баттым,
Азыр да менде арман тыйылбайт.
Өрүкзар болот, баспай көз кайра,
Өрүлбөйт сенин чачтарыӊ майда.
Жүрөктү бийлеп умсунтуп турган,
Жийде курак мезгилиӊ кайда?
Кай жакта калды жылдыздуу түндөр?
Жалынсам кайра, кайра келеби?
Жаз келди мына, жайнады гүлдөр,
Шыбырайт сүйүү, сүйүү илеби.
Азыр да менде арман тыйылбайт...
Кар кетип, байчачекей гүлүн ачкан,
Чөп чыгып, төбөдөн күн нурун чачкан.
Сагындым айылымдын көктөм жазын.
Ташкындап сай-сайлардан суулар аккан.
Айлым ай, айылым ай.
Жүрөгүм эңсеп сагындым, ай.
Сырдашып биз анда, бак ичин аралай,
Калыптыр сүйүүбүз багыңда, ай.
Бак-дарак жашылданып бүрүн ачкан,
Алма-өрүк аппак болуп гүлүн ачкан.
Сагындым жыпар жыттуу айыл кечин,
Кызарып тоо артына күндүн баткан
Түндөсү ай, жылдыз жанат,
Айлуу түндөгү ал махабат.
Ыр, күлкү , шаң менен кыдырып айылды,
Биз жүргөн көчөлөр, биз баскан көчөлөр эсте калат.
Чымчыктар чырылдашып терек бактан,
Агарып таң сөгүлүп чыгыш жактан
Сагындым айылымдын аппак таңын
Күн нурун жер бетине тегиз чачкан
Термеле бер теректерим,
Аймагы кооз белестерим.
Атыңдан айланам Терек-Суу айылым,
Өркүндөп, өсө кең мекеним.
|
Супер-Инфо
super.kg видео
