Мээримдүү сөздөр менен жылыткансыз,
Жолдорду жолуктурчу унутканбыз.
Жээктерде дайра турса бириктирбей,
Баары бир сизди сүйөм унутпаңыз.
Мен сизди сүйөрдү унутпаңыз.

Шамалга баш ийген бир булуттарбыз,
Шар жүрчү жолдор кайда унутканбыз.
Бирикпес күндөр барын билсем дагы,
Бир сизди сүйөрүмдү унутпаңыз.
Мен сизди сүйөрүмдү унутпаңыз.

Кейитип сезимдерди курутпаңыз,
Кең жүрчү жолдор кайда унутканбыз.
Айрылуу арман барын билсем дагы,
Асылым сүйөрүмдү унутпаңыз.
Мен сизди сүйөрүмдү унутпаңыз.

Ар дайым көздөрүбүз чагылганда
Күнөөсүз сүйүүбүзгө багынам да.
Сыртыман колум шилтеп жүргөн менен,
Мен сени сагынам да, сагынам да.

Мен сени кол тийгизбей аяп сүйгөм,
Жан бирге жолдошумдай санап жүргөм.
Мен сени күндө кыспай кучагыма,
Мен сени аяп жүргөм, аяп жүргөм.

Каш керип карегиме тартып элес,
Эркелеп сүйдүрбөчү, кагылайын.
Жалындап жамалыңа күйүп эмес,
Жөн гана агаң болуп сагынайын.

Камыштын дилдирегиндей,
Какымдын үлбүрөгүндөй,
Көңүлдө турат бир сезим,
Төгүлүп келип, төгүлбөй.

Кайырма:
Арзуу бай, турбагыла,
Ак сүйүү арнабагыла.
Алсаңар мени, а бирок
Кол менен кармабагыла.

Булуттун бүркөгүндөй,
Булактын тунук үнүндөй,
Кыялда турат бир сүрөт,
Көрүнүп келип көрүнбөй.

Кайырма:

Чыгыштын буурул таңындай,
Чымчыктын балапанындай,
Чыйт-чыйттап келип бир обон,
Жаңырып турат жаңырбай.

Кубанычтар дайра болуп агылып,
Келин келет ак шөкүлө жамынып.
Куттукташып жубайлардын үлпөтүн,
Той башталды, той башталды,
Алакандар, алакандар чабылып.

Кайырма:
Бийлейли, бийлейли, жаш селки турба,
Бийлейли, бийлейли,
Кошто жигит ыр ырда.
Бактылуу болгула,
Ишке ашып оюңар.
Кут болсун, кут болсун,
Үйлөнүү тоюңар.

Ак тилектер, ак ниеттер айтылып,
Апалардын чачыласы чачылып.
Кана эмесе, оо, туугандар ак жол тилеп,
Каалайлы, каалайлы,
Узун өмүр, узун өмүр, чексиз бакыт.

Кайырма:
Бийлейли, бийлейли, жаш селки турба,
Бийлейли, бийлейли,
Кошто жигит ыр ырда.
Бактылуу болгула,
Ишке ашып оюңар.
Кут болсун, кут болсун,
Үйлөнүү тоюңар.

Жоодураган көздөр көзгө кыналып,
Жашагыла жазгы гүлдөй буралып.
Абийирдүү, ар намыстуу болсун деп,
Ата-энеңер, ата-энеңер, ата-энеңер бата берет кубанып.

Кайырма:
Бийлейли, бийлейли, жаш селки турба,
Бийлейли, бийлейли,
Кошто жигит ыр ырда.
Бактылуу болгула,
Ишке ашып оюңар.
Кут болсун, кут болсун,
Үйлөнүү тоюңар.

Мен балалуу, сен бирөөгө бүлөсүң,
Дале таза сага мээрим, мүнөзүм.
Көрөмбү деп көп келемин шаарга,
Ошту неге сен сагынбай жүрөсүң?

Оштон тапкам мага жагып мүнөзүң,
Эстен кетпейт мажүрүм тал, бир өзүң.
Тагдыр сени бир көргөзөр деп келем,
Дайының жок, сен сагынбай жүрөсүң.

Сезим жанып, бактылуу сен өзүң,
Сени издеген өзгөрүлбөйт мүнөзүм.
Бизге күбө Сулайман тоо, Ак-Буура...
Ошту неге сен сагынбай жүрөсүң?!

Жаштыктын жазы болуп, Гүлбаржаным,
Бир сенден күн нур болуп жалындадым,
Нөшөрлүү ыр кайрыгым өзүң болуп,
Махабат күүсүн термеп кумарландым, Гүлбаржаным.

Кайырма:
Гүлбаржаным, Гүлбаржаным,
Гүлбаржаным, Гүлбаржаным,
Гүлбаржаным, Гүлбаржаным,
Гүлбаржаным, Гүлбаржаным.

Көздөрүң балбыл жанып, чексиз сүйкүм,
Сөз козгоп, ойлор сызды нечен түркүн.
Ак пери калтар чачың улам тарап,
Сезимге күүлөр төктү сенин күлкүң, Гүлбаржаным.

Кайырма:

Жаш сулуу, жаркын жүздүү, Гүлбаржаным,
Эстесем, элес келет эмгек жалын,
Жайнатып жаз өмүрдү жаштык чакта
Жашоомдо өзүң болдуң өмүр таңым, Гүлбаржаным!

Кайырма:

Алтын казык жылдызым,
Жанып турчу мага дайыма.
Өмүр бою бир гана
Келдим эле сенин жаныңа.
Мөлтүр булак күлкүнү
Сенден гана назик угамын.
Ууз сүйүүм арнаган
Өзүң болбо жалгыз тумарым.

Бирге согуп кош жүрөк,
Дайым турсун катар үндөшүп.
Жоодураган көздөр
Маңдай-тескей үнсүз сүйлөшүп,
Жаркын максат ак сүйүү
Сенден гана келди агылып.
Чиркин, жаштык эркиңе,
Билбей калдым, турам багынып.

Алтын казык жылдызым,
Жанып турчу мага дайыма.
Өмүр бою бир гана
Келдим эле сенин жаныңа.
Мөлтүр булак күлкүнү
Сенден гана назик угамын.
Ууз сүйүүм арнаган
Өзүң болбо жалгыз тумарым.

Ай, бийкем,
Ах, бийкем,
Ууз сүйүүм арнаган
Өзүң болбо жалгыз тумарым.

Мейли, Теңир Жерди Көктөн айрысын,
Мени сенден неге бөлдү? Кайгы ушул.
Атай болуп кетпесем да боздогон,
Көөдөнүмдө «Күйдүм чоктун» кайруусу.

Тагдыр жандан ажыратып таштаган,
Болсоң дагы Мөлмөлүмдөн башка жан.
Барпы акындай сен жөнүндө мен дагы,
Арзуум айтып какшаганым, какшаган.

Тагдырыбыз тагдырындай нечендин,
Булбулуңдай безенгеним бекерби?
Үкөйүмдү боздогондой Боогачы,
Арзуу ырын ырдап өтүп кетемби?

Айланткандай дартызарга неченди,
Байлап бирге тагдырымды, көчөңдү.
Алмашым деп сыздагандай Ырысбай,
Аттиң мен да арман кылып өтөмбү?
Чолпонум деп боздогондой Жолболду,
Аттиң мен да арман кылып өтөмбү?

Бүтүмү жок чечимдерим чечилбей
Кыял күйүп, үмүткө күн үшүгөн
Жүрөк сыздап, жүлүндөрүм зыркырап,
Көзүм тоюп сүйүп калдым мен ичимден.

Балким алдоо көкүрөктүн багытын
Көзгө каткан каректеги сагынычым
Арзуу тилеп араң жүргөн жан элем
Уулуу дарттан келип жүрөт айыккым.

Соорото албай өбөт төбө буркурап,
Ысымы жок жаздым сенден ыр курап.
Ай-ааламдан кайып болуп келгендей,
Дайынын таппай турам неге тунжурап.

Бүтүмү жок чечимдерим чечилбей
Кыял күйүп, үмүткө күн үшүгөн
Жүрөк сыздап, жүлүндөрүм зыркырап,
Көзүм тоюп сүйүп калдым мен ичимден.

Көзүм тоюп сүйүп калдым мен ичимден.
Сүйүп калган кишим сен

Саматып издериң болгон жакшы,
Сагынган кучагың толгон жакшы.
Бактысыз турмушка басынганча,
Баалаган жанга жар болгон жакшы.

Кайырма:

Жакшылык бактыга жетелетет,
Жаштыкка өмүрдү тетелетет.
Жакшыдан жан дүйнөң азыктанып,
Кусалуу көңүлдү көкөлөтөт,
Кусалуу көңүлдү, армандуу өмүрдү көкөлөтөт.

Сүйдүрүп издээриң болгон жакшы,
Сүйүүнүн суугуна тоңгон жакшы.
Сүйбөгөн бирөөгө кор болгончо,
Жакшыга жанашкан жолдор жакшы.

Кайырма:

Сырдашар курдашың болгон жакшы,
Сыйлашып кармашкан колдор жакшы.
Билбеске бирикпей кор болгончо,
Билгендин бийиги болгон жакшы.
Кайырма:

Мезгил тынбай жылган сайын күнүгө,
Мен суктанам ар бир өткөн күнүмө.
Анткендиги айланчыктайт жаштыгым,
Ал кездеги сунган кызыл гүлүңө.

Кайырма:
Кызыл гүлдү сенин көзүң тандаган,
Кызыл гүлдү сенин колуң кармаган.
Ага коштуң жаштык сүйүү жалынын,
Мен да сага жаштыгымды арнагам.

Гүл кучактап гүл балтырга чалынып,
Турар элек көзгө көздөр чагылып.
Күндөр келсе, жылдар келсе жаңырып,
Жүрөк эңсейт ошол күндү сагынып.

Кайырма:

Мезгил тынбай жылган сайын күнүгө,
Мен суктанам ар бир өткөн күнүмө.
Анткендиги айланчыктайт жаштыгым,
Ал кездеги сунган кызыл гүлүңө.

Себеленип ойлордун жумшак жамгыры,
Салкын тартып карааның менден узады.
Кетпе алыска, кетпе менин жаштыгым,
Тумчуктурба агызып шаарын ызанын.

Кайырма:

Жылт эткен жылдыздын үзүгүндөй,
Сен кайда кеткенсиң, асылкечим?
Жүрөктө толукшуп сүйүү жазы,
Сен качан келесиң, асылкечим?

Тереңдеген балбылдап сезим бермети,
Ыйык ойлор шыбырын сенден жашырат.
Күнгө умтулган биздеги жаштык өмүргө,
Аппак жаандай тилектер жаап басылар.

Кайырма:

Себеленип ойлордун жумшак жамгыры,
Салкын тартып карааның менден узады.
Кетпе алыска, кетпе менин жаштыгым,
Тумчуктурба агызып шаарын ызанын.

Кайырма:

Сагындыңбы?.. Мен да сагындым…
Кусалуу бир күнгө кабылдым.
Буйругу жок ушул тагдырга,
Таарындыңбы?.. Мен да таарындым…

Кайырма:

Жолугушуу болду арманым,
Жолукпайбыз эми ардагым.
Жолду карап эми издебе,
Жалгыз аяк жолдо калгамын.

Кыйналдыңбы?.. Мен да кыйналдым…
Мүдүрүлдүм бирок сынбадым.
Жүрөгүңдү эзип жалгыздык,
Унуттуңбу?.. Унуталбадым…

Кайырма:

Ыйладыңбы?.. Мен да ыйладым…
Өзүмдү-өзүм алдап кыйнадым.
Жанга баткан жалгыздык ырын,
Ырдадыңбы?.. Мен да ырдадым…

Кайырма:

Ардагым, сени дайым көңүлүмдө
Аяймын, кайда жүрсөм ала жүрөм.
Түн элем жарык чачтың өмүрүмө,
Эми мен ачык үндөй ачык күлөм.

Кайырма:
Бүркөлбө, эркетайым, мени аясаң,
Күн түшөт кайра менин кабагыма.
Башкага же кучагым жая албасам,
Бара албай турган куштай түнөгүнө.

Кайгы-муңу уча качкан канаттуудай,
Кетишкен сен жаныма келген кезде.
Сеземин мен өзүмдү агын суудай,
Сени эстеп элесиңди тартсам көзгө.

Кайырма:

Мен жолоочу турмуштан ыр караган
Мен сүйүүнү кубаттап ырдан алгам
А сен болсо кара көз бир сулуусуң
Иреңи серт мендейди эч ылгабаган

Ылгабаган, чанбаган, тандабаган
Мүнөзүң ай ушул сен кандай адам
Бул жашоодо бир гана мага арналган
Ак сүйүүңдү канткенде мен актай алам

Аңкып жытың алыстан гүл жыттанат
Алдап кара көздөрүң ала качат
Асмандагы ай менен сүйлөшкөнсүп
Махабаттын нурларын сага чачат
А сен болсо кара көз бир сулуусуң
Жоодураган көздөрүң, жоодураган